【英雄系列6】孤獨兄弟: 2.6

2.6

「點解你..會黎到呢度？」阿白冇直視直樹

直樹緊張道:「係我爸爸話查到你黎左呢度，我擔心你所以先跟埋黎，你冇受傷丫嘛！？」


「冇事...」阿白扶起叢雲




「白小靈！！」

「係...daddy？！」呢個身材肥胖既四眼中年睇黎就係阿白既爸爸



「啪！！」阿白既爸爸一巴打落阿白臉頰上

「你個打靶女，你知唔知你今次失禮死我呀！！！學人逃家出走！？」阿白既爸爸怒道




阿白忍住痛道:「daddy你根本就唔明白！！我..鐘意果個人係..」

「死女包！你講咩野呀！？」阿白爸爸道:「渡邊先生幫左我地咁多，你仲講d咁既野？！」


「算啦算啦，老白...後生女始終多d問題既...」渡邊雄介笑道

「最緊要既係，你要識返轉頭....白小姐，你同我家直樹既婚禮將會響下星期日舉行，冇問題丫嘛？」




「我..我唔會同直樹結婚架！！」阿白斬釘截鐵道


「咁呀...」

渡邊雄介拎出手槍，指住重傷既叢雲


「爸爸！你做咩呀！？」直樹估唔到自己父親會做出如此行為

「直樹...我依家係幫緊你追返白小姐呀..」渡邊雄介回頭道

「但係..都唔駛咁樣...」睇黎，直樹都係反對父親用暴力



「你唔係一直都鐘意白小姐既咩？今次難得我同白先生響生意上既合作，所以先撮合到呢頭婚事咋」




「今次唯有殺左你啦，望月叢雲」渡邊雄介笑得令人心寒:「你呢幾個月殺左我地公司咁多人，再加上私自綁架我個仔既未婚妻，你點都要一死啦」

「渡邊先生..咩..咩綁架呀？係我自己跟住叢雲..」


「唔駛多講啦白小姐，呢個人明顯係對你圖謀不軌，殺左佢，你就可以安心同直樹結婚啦」


面對渡邊雄介，叢雲只係一味怒視住佢




渡邊雄介對準叢雲，準備打下板機:「殺左你，之後再殺埋你果個細佬，咁就可以清除你地呢對專門阻住我地既吸血鬼啦」



「再見啦...」






「唔好呀！！！！」

阿白大叫，並擋響叢雲面前




「阿白..你做咩呀？唔好呀」直樹驚訝


叢雲望住保護自己既阿白:「阿白...」

「唔好殺叢雲呀...」阿白流住淚:「渡邊先生，係咪我同直樹結婚...你就會..放過叢雲..？」


渡邊雄介思考片刻後點頭:「今次可以既...不過，下次佢如果再得罪我地公司，就唔同講法啦」



「...好，我跟你地返去」阿白企起身:「只要，你今次放過叢雲..」



叢雲拉住阿白:「阿白...唔好呀...」


「叢雲...呢幾日我真係好開心呀，我永遠都唔會忘記..同你一齊生活既日子」

阿白淚中帶笑:「叢雲，你要好好保重啦」


「白小姐，我地返去準備婚事啦」渡邊雄介陰險笑道:「望月叢雲，今次我比面未來媳婦放過你，下次再搞我地迪拉斯，你必死無疑！」


「阿白..你無事丫嘛」直樹馬上走到阿白身邊

「冇事...」阿白冷冷回應


「再見啦...叢雲，請你..忘記我啦...」




「阿白...」

倒響地上既叢雲，只能眼白白目送阿白坐上房車，離開眼前

「可惡...可惡呀！！！！」


「阿白，我一定會救你！一定會！！」叢雲內心許下承諾





三日後

基於吸血鬼既理由，叢雲既傷已經好得七七八八

佢亦揸住租返黎既私家車返到東京


「呢個渡邊雄介貴為迪拉斯響日本既負責人，婚禮一定會響豪華既地方，例如酒店舉行..」

響大街流連既叢雲心想


「喂，你有冇收到公司關於太子爺果封email呀？」

「收到呀，太子爺星期日響Prince Gallery舉行婚禮果單新聞呀？老闆仲邀請哂我地去，真係好呀」


叢雲回頭一望，對話中既呢兩個人胸口上都掛上「DELAS」既徽章

「係迪拉斯既低層人員...」叢雲心道:「Prince Gallery，係東京都內最豪華既酒店」




「阿白...你要等我...」