7.

東京都內 某居酒屋



「牛肉加蔥花~要烏冬嗎~照燒D雞柳又試下~」

彌生一邊哼住秋官既歌,一邊吃住眼前既佳餚




「喂,彌生!」坐對面既小優不滿道:「我地黎左三日啦,又話黎搵你個阿哥既?!」

彌生食住煙,笑道:「我..我一路都冇佢電話架喎,哈哈..」


「吓!!!?你冇佢電話!!?」小優嬲得大力拍枱:「咁你仲話要黎日本!!」

「嘻嘻,冷靜d啦小優bb豬...我同叢雲都係吸血鬼,好容易就會感應到對方架啦」彌生遞上燒雞串:「難得黎到日本,小優bb豬你就輕鬆下啦,餵你食丫!」




「咩...bb豬呀?好核突呀!」小優張開口吞下雞串



「阿德呀~我頭先shopping完無哂錢啦!」

「misa你咁大洗架...唉攞去洗啦臭雞!」

「多謝阿德,啜!錫哂你呀!」



對面枱既一對情侶正打情罵俏



「係喎..彌生做獵金獵人,一定好有錢既姐!」

小優開口:「彌生,我做得你女朋友,你起碼都應該比返d錢我用下丫!」


「好呀!」

彌生將褲袋內既一萬yen交到小優手裏

「一萬yen?!」小優氣得大叫:「彌生你唔係好有錢既咩!!!?」




「哈哈,我做野果d酬金通常都一個禮拜就洗哂架啦...」彌生為小優倒酒:「唔好嬲啦小優bb豬,飲啖sake先啦」

「唉...比你激死...」小優飲下清酒:「係喎彌生,咁到時見返你阿哥之後,諗住點呀?」


「緊係覆桌啦,殺到佢地電腦大爆炸就岩架啦!」





「!!!」



彌生既吸血鬼神經再度感應到..


「彌生,做咩呀?」小優不安道:「唔..唔係又感應到迪拉斯d人下話?」

「唔係...」彌生竟然笑道:「佢行緊過黎啦」



一位紮髻留鬚既青年,走進居酒屋

佢神情頹廢,仿如生意失敗一樣





「望月叢雲...」


「係..彌生..?」叢雲抬起頭,唔敢相信自己既細佬會響呢度出現



「我都搵得你耐啦!」彌生對住叢雲笑道

小優淘氣道:「彌生你根本冇搵過,咪扮野啦!」


叢雲坐低,指住小優問:「呢位係..?」

「佢係我新溝返黎既女朋友,叫小優!」彌生將小優拉往懷中



「你唔好咁大力啦!」小優鬆開彌生既身,對叢雲點頭:「你好呀,我叫游小優,因為迪拉斯既關係,就跟左彌生佢黎呢度」


「你好..我叫望月叢雲...」

「叢雲,迪拉斯果班冚家剷唔單止追殺我同小優bb豬,仲爆鳩埋我地間祖屋..」彌生情緒高漲:「今次特登黎日本搵你,就係為左要一齊斬柒迪拉斯呀!」


「係咩...」叢雲冷冷道,因為佢忘不在此


「咁cool架你..迪拉斯呢d濕鳩公司當自己係皇帝,依家仲話想整隊軍隊,唔收佢皮對唔住自己啦」彌生接住再問:「你係咪又有心事呀?」

小優問:「係囉..係咪有咩事呀?」

「你地真係想知?」



叢雲將自己同阿白既事一五一十講清楚


「阿白...」彌生恍然大悟:「哦!!!!就係你之前講過,你響日本讀書果陣果個女兵下話!」

「咩女兵呀...」叢雲怒道


「話你係碌木頭真係無錯,阿嫂做到咁你都仲唔明呀?」面對叢雲,彌生只能苦笑

「咩..咩呀?」


「佢明顯好撚鐘意你啦!唔係既話會唔會跟住你呀?」

彌生飲住清酒,怒道:「你諗下,阿嫂咁有錢,又有個靚仔未婚夫,今次一見返你就跟住你,唔係鐘意你既話會唔會咁搏先?你真係蠢過長空呀屌!小優bb豬,你又係女仔,你點睇先?」

小優點頭:「阿白雖然一路都跟住你,為你付出,但其實佢一直..都應該係等緊你對佢有表示」


「原來我...我一直都辜負左阿白...」

彌生:「聽你頭先咁講,你內心都係鐘意佢架啦,但明顯你又怕羞又唔識表達自己,屌你啦」

叢雲道:「無論如何,今次..我都一定要救阿白」


「你一個人點救呀?上次你一打三都唔掂啦..」彌生笑道:「不過一世人兩兄弟..唔通睇住阿嫂要嫁個唔鐘意既人咩」

「彌生...」叢雲意想不到,彌生會咁幫自己:「多謝你..」

「今次...我地一於...搶新娘!」




返到酒店後

「呢座Prince Gallery一共有五十層,天台有一個停機坪」小優查看住電腦:「最大既event room就響最頂層..」

「堂堂迪拉斯日本負責人,個仔娶老婆一定會有咁大搞咁大,佢一定會響呢層舉行婚禮」彌生補充



叢雲:「以我地既身手,要入去唔係難事..但問題係唔可以驚動到對方,所以最好既方法就係..」


「假扮酒店職員,潛入去」彌生笑道:「到時我同你,由酒店既後門入去,求其打暈兩個職員,著上佢地既制服,混入去」

「只要上到去頂樓,之後既事...叢雲你知點做架啦」

叢雲點頭:「嗯,我明....但係,到時應該點走?五十樓只有四部升降機同一條後樓梯可以去到」


「我地吸血鬼黎架嘛,到時就會有辦法架啦,哈哈」彌生笑道

「彌生你根本亂黎既!」小優激心道:「一陣你地走唔甩咪...」

「嘻嘻小優bb豬你真係緊張我啦..」

小優頓時臉紅:「邊..邊有喎...」


彌生緊緊攬實小優:「嘻嘻,小優bb豬你面紅個樣好QQ呀!」




婚禮當日




彌生同叢雲已經響酒店既後門前


「叢雲,準確好未呀?依家就要去救阿嫂啦」

「嗯...今次一定要救返阿白」

彌生同叢雲解開後門既鎖,偷偷進入酒店


「小優bb豬,依家正門咩情況呀?」彌生用手機既通訊程式跟正門外既小優聯絡

「地下已經有好多人響度等緊lift啦...似乎婚禮就快開始,你地要快d呀」「你唔好再叫我咩bb豬啦,再係咁我唔睬你架!」



兩人潛入員工更衣室,換上酒店員工服

「嘩屌...呢間酒店d制服咁柒既..」彌生嫌棄住

「唔好理d無謂野啦」

「係既係既...我知你心急救阿嫂嘛」
已有 0 人追稿