1.3

「你..你係吸血鬼?!」小優嚇到成個人彈起

彌生飲住橙汁:「嗯!不過依家既吸血鬼唔會吸血架啦」


「你唔好埋黎呀!!」小優拎起餐刀:「我..我嗌架!」

「我又點忍心吸你血呀小優..」彌生慢慢行埋去,張開嘴:「睇下,我d牙平呀..」




「真..真係..?」小優依然半信半疑:「但係..吸血鬼點會唔吸血架!」

「呢個就係你地對吸血鬼既誤解啦」彌生坐返好,繼續享用早餐


「真正既吸血鬼,外表同平常人無異,不過五官同運動力就強得多,你可以當係super hero咁既人既..」

「至於點解會比人叫吸血鬼,就只係因為..要救人..」




「救人..?」小優問

「吸血鬼可以透過咬人,將瀕死既人救返生」彌生道:「所以,吸血鬼呢個字係對我地既誤解,因為我地都唔會吸血既,哈哈」

小優似乎冷靜一d,放低餐刀:「既然可以救人咁勁,咁呢個世界冇人死架啦喎..」


彌生搣住小優既面頰



「小優你真係聰明啦,咁都留意到!」

「被吸血鬼救既人會成為佢既眷屬,而每隻吸血鬼都只可以有一個眷屬...即係話除非眷屬死左,吸血鬼都唔可以再救人」


小優聽完後,非常緊張:「你..唔係想我做你眷屬下話..」

「緊係唔會啦..依家冇乜吸血鬼會咁做架啦」彌生從後攬住小優:「何況有我響度,小優你點會死呀!」

「唔..唔好攬得咁實呀!好辛苦呀!」小優用力甩開彌生


「呀...好悶呀...」攤響梳化既小優嘆氣



心想:「早知唔做乜春野賊啦,依家比個死淫蟲困住..唉」


「小優..」彌生笑淫淫走埋去

小優馬上縮開:「你..你想點呀?」

「冇..只係想陪你出去行下...買下衫姐」彌生笑道


「你隻淫蟲咁好死?」小優心裏盤算

「唔係喎...出到去,分分鐘可以走得甩喎!」




小優馬上牽住彌生:「好呀!一齊丫!」



彌生開車駛進旺角,同小優走入某一商場


「小優,睇下條裙岩唔岩身!」彌生遞上一條褸屌裙

小優一臉嫌棄:「咦..我唔著呢d架..」


「唔係丫,你patpat咁好肉,著上去一定好襯姐,嘻嘻!」彌生一手拍打小優既屁股

「死淫蟲仲要非禮我...我要殺左你呀!!!!」小優既內心怒得火起





兩人經過一間u字頭既的服裝店

「彌生呀,不如入去睇下囉!」扮到小鳥依人既小優對彌生道,心想:「u記咁大間,係走佬既好機會呀!」

「嗯,好呀!」


入到去,小優馬上跑走

「我睇衫先啦,彌生你自己睇啦!!」

「喂,小優!」彌生都捉唔住




利用人羣既掩護,小優成功逃出彌生既視線範圍,從另一邊門口離開u記

「呼..終於走得甩啦!」小優吸一口氣:「終於逃離個死淫蟲既魔爪啦!」


重獲自由既小優,走到上旺角街頭

「係喎,果個死淫蟲話過迪拉斯既人要追殺我..」小優細聲自言自語:「不過,佢連自己係吸血鬼都講得出,證明佢真係痴孖根!!」


同一時間,小優發現後面有一男子正跟蹤住佢

「可能係我錯覺姐..」


男子追得越黎越近,小優開始著急

「死啦,佢就係跟緊我呀!點算呀...」


不知不覺,小優竟然行入一條了無人煙既後巷

「弊!點解我會入左黎架!」小優自知出事



小優回頭望住該跟蹤者,係一個光頭既中年男子

「就係你,勾結果兩兄弟..」光頭男子拎起槍:「去死啦!」



「唔好呀!!彌生!救我呀!!!」小優大叫一聲




「篷!!」

彌生從後出現,向光頭男子飛踢

而光頭男子就一個閃身,成功避開


「彌生!點解你..」小優見到彌生既出現,又驚又喜

「小優,乜你蕩失路呀?」彌生笑道:「不過,頭先聽到你話『彌生!救我呀!!!』喎,哈哈」

小優臉紅紅:「邊..邊有喎!」



「不過,呢個人唔係咁易對付」彌生拎定手槍:「佢體內有戰鬥用納米機械」

「咩..咩話」小優大吃一驚:「真係...有呢d野架!」

「嗯..」彌生指住光頭男子既雙眼:「佢對眼有紅光,就證明佢係...裝左戰鬥用納米機械」


「嘿,你都幾熟我地迪拉斯公司既野架喎,望月彌生..」光頭男子拔出一雙鋼爪:「我既行動代號叫李維特」

說罷,李維特就躍到彌生頭上,以右爪直刺


彌生馬上退後,推開小優:「小優小心!」

李維特繼續追擊,不斷橫攻彌生既左右兩側

「嘿,果然係裝左戰鬥用納米機械,速度就黎追得上我」


「點呀,唔敢開槍呀?」李維特睇準機會,爪向彌生既胸口


「噹!!!」


彌生以裝上滅聲器既MP443,直接擋下李維特既鋼爪

再隨即指住中門大開既李維特


「吱!!」


李維特蹲下避過子彈

「死!!!」

佢雙掌拍合,一雙鋼爪刺向彌生既心臟


「彌..彌生!!!」
已有 0 人追稿