1.4

「呼...」

幸好,彌生及時將槍放響胸口前,成功擋下致命一擊

但同時亦退後數步


「嘿,好彩反應夠快...睇黎呢個光頭佬都係岩岩裝左納米機械冇耐,動作仲係有d生硬」彌生心想



小優上前扶住彌生:「你..你冇野丫嘛?!」

「哈,冇事...」


李維特繼續衝向彌生,以左爪作攻

「光頭佬明知我用槍,特登用d距離極近既攻擊埋我身..咁都唔係辦法」




李維特雙眼發住紅光

「依家...就比你睇下戰鬥用納米機械既真正實力啦」


李維特仿如箭頭一樣,飛往彌生身前

「可惡,咁快既!」




佢以雙爪刺向彌生既腰間

彌生見狀隨即以左腳借力,向後避開此招

「再咁打落去一定出事!」

彌生舉起槍,對住李維特開足三槍


但李維特亦唔係省油既燈,以左右移開避開子彈



李維特將目標轉到四碼外既小優



「死啦!!」

佢以牆作反彈,從高空攻擊小優


「仆街,佢想殺小優!!」



「插!!!」

響千鈞一髮之際,彌生以右臂擋下呢一記致命一擊

血馬上流得如水龍頭一樣




「你..竟然..」李維特震驚道

彌生拔出MP443:「哈,咁樣..你就響正我前面啦」



「吱!!」

李維特頭顱吃下此記零距離槍擊,應聲倒地



小優見李維特倒地後,馬上衝往彌生處



「彌生,你流左好多血呀!!!!」


「放心,返去搽d紅藥水冇事啦」彌生玩弄住小優既臉蛋:「嘻嘻,小優真係關心我啦」

「邊...邊有關心你喎..我係驚你死左會冇人保護我咋..」小優心想:「唉...睇黎我都係要疊埋心水跟住彌生架啦...」


「係呢..呢個殺手..」

小優回頭之際,卻發現李維特已經化為一攤血水


「嘩!!做咩..點解會咁既?」



「所有裝左戰鬥用納米機械既人,死左都會變成血水..」彌生攬住小優:「小優,我地返去囉!」

「嗯...得啦得啦..你唔好攬得咁實啦!」





「呀!!!!好乸呀!!!!」

「唔好亂咁郁啦..」小優慢慢用沾滿紅藥水既綿花抹住彌生既傷口:「傷到咁都唔去醫院架你...」


「放心啦,我地吸血鬼恢復能力好快架,搽d紅藥水聽日就冇事架啦」彌生摸住肚:「好肚餓呀小優,快d煮野食啦!」

「得啦得啦!」小優用紗布替彌生包紮好:「但係...頭先我淨係買左公仔麵咋喎」





「嗱,整好啦..」小優捧出兩碗公仔麵出黎

「嘩係小優煮既公仔麵呀,試下先!」彌生狼吞虎嚥住公仔麵:「嘩....煮到咁淋既...」

「有得食就唔好嫌三嫌四啦!唔比你食丫嗱!」小優悔氣道

「咁又唔好,小優你煮既點都好食既!」


小優突然道:「彌生,今日...唔該哂你...」

「頭先我..的確係想走,但係你都仲唔要命咁救我...」

彌生笑住講:「咁你係我女朋友嘛,唔救你救邊個喎,不過下次記得唔好周圍走啦!」


「雖然彌生好無賴,但係...佢又真係對我幾好既...」小優心想



飯後

小優取出衣物:「彌生,我上返房沖涼先啦..」

「哦好呀!」彌生笑淫淫道






「呢個彌生...頭先做乜笑到咁既樣呀...」小優一邊脫下衣服,一邊沉思:「不過,呢個彌生都算好人既,或者真係可以考慮下..」


「踏,踏,踏」洗手間外傳出多下腳步聲

小優心想:「咩聲黎架...唔係..有賊下話..」


「咔!」

「小優!!我地一齊沖涼丫!!!」


小優被衝左入黎既彌生嚇倒:「彌生..你做咩呀?!」

「嘻嘻,見你又沖涼,咪諗住鴛鴦戲水囉」彌生攬住赤裸既小優:「小優你d皮膚好滑呀」

「唔好攬咁實啦!變態彌生!!」




!!!

彌生忽然鬆開手,笑容亦完全收起

「做..做咩呀?」小優問


「我感覺到...有幾股殺氣向住呢間屋黎緊」彌生遞上衣物:「小優,著返衫,記得留響呢度...我出去解決佢地」

小優捉住彌生:「彌生...小心d呀」

「嗯,仲要返黎同你洗白白架嘛!」



彌生感覺到,呢幾股殺氣已經入到屋內

「睇黎都係迪拉斯既人..佢地利用今日響旺角既果個殺手追蹤到呢度...」


彌生利用自己吸血鬼既強大聽力,聽到有四個殺手已經行上通往二樓既樓梯

「憑佢地行路既速度黎睇,應該配備左重裝甲..」


彌生拎出配槍,躲進樓梯邊既房間

聽住腳步聲,彌生心裡數住:「三,二,一.....」
已有 0 人追稿