【英雄系列6】孤獨兄弟: 2.5

2.5


「佢地係...」阿白躲響叢雲既背後

「望月叢雲，你唔單止殺左我地公司咁多人，仲捉走埋直樹先生既未婚妻，今次你點都要死！」帶頭既西裝男士道

「竟然咁快黎到...呢班人即使冇裝戰鬥用納米機械，都肯定係高手...」叢雲準備拔出外套入面既脇差及豬肉刀迎戰






叢雲對阿白道:「阿白，快d返入屋，我會頂住佢地」

「但係叢雲..」

「無事架...我好快返」

阿白只好相信叢雲，回頭跑往屋裏




而叢雲，就以二刀流之勢，奔向迪拉斯既殺手們




「佢地每個人手上都有槍..一定要盡量埋身」

叢雲先以左手揮動豬肉刀，橫砍前面既三人




「射佢，射佢呀！」後方既四名殺手舉起手指，瞄准舞動豬肉刀既叢雲


「哼，我點會比你得逞..」

叢雲飛出手上既脇差，脇差穿過人堆直插後排一人既左胸


「砰！砰！砰！」

叢雲貼近地面，以旋轉方式避開所有槍擊，再一刀將剩下三名槍手斬死


「佢..佢好勁呀...！」



殺手們眼見叢雲殺得性起，內心開始不安


臉上滿是鮮血既叢雲望住四周既小卒

「仲有邊個要黎送死..」



「呀！！！！」

殺手們仍未認輸，一鼓作氣躍起，空中包圍叢雲





「一定要...速戰速決..返阿白身邊！」

叢雲將右手拇指咬至流血

「好耐都冇用啦...吸血鬼既秘技，TRANS AM！」


「！！消..消失左？！」

忽然消失既叢雲，令殺手們斬空


「唔係消失...我只係加快速度姐..」



叢雲再度出現於殺手群後，利用二刀流將佢地斬得血肉模糊


「再黎..」叢雲以超越肉眼既神速穿梭於殺手間，以快刀砍中佢地既後頸



眼前，只剩低三個

「只要..解決埋佢地...」叢雲


「噹！！！」




三人竟擋住叢雲既殺招


「咩...咩話...」叢雲難以置信，竟然有人追上自己TRANS AM既速度



「望月叢雲，唔好以為得你一個有咁既速度呀」三人眼中亮住紅光，係戰鬥用納米機械！

「我地已經裝左最新既納米機械，依家既速度已經可以追得上你地吸血鬼啦！」


三人來勢洶洶，兵分三路向叢雲進攻

「三個既速度只係比我慢少少..今次麻煩啦...」叢雲心知不妙


叢雲被逼得以八卦步退後

「佢地雖然幾快，但係動作仲係好生硬」叢雲重用剛才既地板迴旋，閃到三人之後

「咁樣..你地就冇得避啦！」



「放開我呀！！叢雲！！！」阿白被兩個同樣著西裝既男人捉住，拉出屋外

「阿白！！！！」叢雲停下攻擊，直奔阿白處

叢雲兩三下功夫就解決捉住阿白既兩名迪拉斯成員



「係機會啦！！」殺手睇準叢雲既空隙，從後砍中叢雲三四刀

「呀！！！」叢雲痛得倒地:「比佢地偷襲到..」


「叢雲！！」阿白馬上扶住叢雲

「阿白..快d走呀...」被砍至重傷既叢雲道



「嘿，望月叢雲，你玩完啦！」




「停手」

一把冷冷既聲音，將三名殺手叫停


一個留白髮all back頭而且打扮霸氣既人，行出後面既房車


三名殺手馬上鞠躬:「老闆！」


「佢...就係迪拉斯響日本既負責人..渡邊雄介..」叢雲道




「阿白！！」





一個外貌俊朗既西裝青年跑近兩人

「阿白你無事丫嘛！！」


「直..直樹？」阿白呆望住眼前既青年

呢個青年，就係渡邊直樹