【英雄系列6】孤獨兄弟: 12

12.

七人車駛到和歌山上既一間大宅

呢座大宅為西式風格，仲有一個大花園同游泳池



「終於到啦！！」彌生打開車門伸住懶腰:「揸車揸死我囉！」




訓醒既叢雲望住眼前既大宅:「哦...原來彌生你講果間屋..就係佢...」

「點呀，記得返未呀？」彌生笑道


「緊係記得啦..我地細個住過呢度架嘛，果陣你仲成日屙尿落去個泳池度tim」

「咦...彌生你咁核突架！」智詩露出嫌棄既樣子




「係喎，咁我地今晚食咩呀？」仍然著住婚紗既阿白問

彌生從車尾箱拎出行李箱同一個個膠袋:「放心啦阿嫂，頭先你地仲訓緊果陣，我同智詩bb豬響市中心買左餸..」


「咁今晚我煮丫！就當係...我多謝你地救返我」阿白雀躍道










「食得啦！！！」阿白同叢雲捧住一碟碟餸菜出黎



彌生講都唔講就將佳肴放進口中

「好！好！味！呀！！！」彌生誇張地大叫:「阿嫂你煮野食掂喎！！好過智詩bb豬煮果d呀！！」

「喂呀，咁..咁我無學過煮野食架嘛，你咁叻你煮丫！」智詩發住脾氣



「嘻嘻講下笑姐！」



「哈哈，咁彌生你食多d丫！」阿白一邊微笑，一邊將牛肉夾到叢雲碗中:「叢雲，食丫！」

彌生亦笑住回應:「唔該阿白..」


「嘩，sweet到你地丫...」彌生繼續狼吞虎咽:「如果智詩bb豬都咁就好啦！」


「咁麻煩架你..」

智詩扁住嘴，夾起炸雞放到彌生碗中



「請..請你食架！」

彌生笑道:「嘻嘻，多謝智詩bb豬！」


「係喎，岩岩我上網已經買左機票啦，最快後日朝早9點機」彌生道:「所以呢兩日就可以響呢度抖一抖啦！叢雲你就同阿嫂兩個...嘿嘿！」


「你笑咩呀？」叢雲唔明彌生既意思

叢雲笑得邪惡:「你同阿嫂...咩過未架？」


「緊係未啦！我...同阿白之前都係朋友黎之嘛，我又唔係d亂搞男女關係既人..」談到尷尬事，叢雲只能支吾以對



而阿白就只係臉紅低頭


「彌生你睇下丫，搞到成個氣氛幾怪！」智詩責怪住彌生

「咁呢d都係男女之間好正常既事姐！智詩bb豬你想既話，我地今晚都可以架喎..」

「咸..咸濕！」



飯後，叢雲就走到屋外，坐響安樂椅上飲茶

「叢雲，我切左生果丫，一齊食丫！」換上t恤既阿白拎住一個盛滿生果既碟出黎



叢雲微笑回應:「好丫，唔該阿白」


「唔好意思，頭先彌生講埋d咁既野」

「唔係丫..」阿白忽然笑起上黎:「彌生佢講野都幾幽默丫..」

叢雲冷笑道:「把口唔收就真！果陣時讀中學都已經係咁架...」

阿白興奮地捉住叢雲:「我都好想聽下叢雲你中學d野呀，快d講丫！」




「叢雲！！傳波丫！！！」

叢雲一記直傳，皮球穿過守衛落到彌生腳下


「食屎啦！！哈雷彗星大S射球！！！！！」

彌生對住龍門拉弓抽射


「刷！！！」

對面後衛一個飛剷，將彌生剷至飛天




「啊啊彌生呀！！！」班上既女同學見自己既男神被剷，十分肉緊



雖然受到收山腳攻擊，彌生卻只係痛一下就起返身

「屌你老母剷鳩我！！！」


「你自己唔撚識避架？」對方既守衛當然唔服輸


「死茅西仆街啦！！！」

彌生一拳打到對方落地下，再對佢狂踢


「唉....都估到會係咁架啦....」叢雲掩住頭





「學生會足球比賽變左打人，彌生你今次真係威啦，仲要記多個小過」叢雲同彌生一路行回家


彌生食住煙:「咁隔黎班條撚樣係茅嘛！我唔打佢對唔住自己啦」

「喂，岩岩出校門就咪食煙啦...」叢雲提醒彌生

「得啦得啦，風紀隊長..」彌生笑道:「你睇唔睇到呀，頭先幾多囡囡幫我打氣呀！不過呢...佢地都唔係我杯茶...」




「哈哈，你地中學d生活好得意呀！」阿白笑得燦爛:「叢雲得閒講多d比我聽丫！我好想..知道你既所有野呀」

叢雲點頭:「哦...好呀」



「叢雲...如果以後都係咁生活就好啦...」阿白挨落叢雲既肩膀上

「嗯...」叢雲望住阿白:「多得彌生點醒左我，依家我知道...阿白你先係我最重要既人...」



阿白合起雙眼，跟叢雲擁吻

「我..我愛你呀，叢雲」

「嗯，阿白.我都愛你...」



「嘻嘻，原來叢雲你都可以咁溫柔..」阿白笑道

叢雲難得害羞:「係..係咩..」


「叢雲...」阿白握緊叢雲既手，道:「你可唔可以應承我，以後都唔會離開我呀？」


「嗯，我應承你」叢雲抱住阿白


「我地今晚...不如...」阿白低頭笑著:「一齊...一齊訓丫」