一個書生既Player故事: 十

一係就唔做，一做就要做到最好。自從呢一日，我上堂認真左好多，無乜點搞屎棍整古老師。

我同林敏兒既關係都有微妙既變化。上堂既時候我地都唔會點講野，會好專心咁抄Note聽書；落堂返屋企就會做練習，連屋企都驚訝我既決心，話林書生要長大了。我地既交流都變得學術化左。成日嘈嘈閉既我都帶頭改變左班上既溫書風氣，會主動叫人靜D、溫書。

不過，最重要既變化唔係咁，而係林敏兒變得心事重重，成日發呆不特止，仲好易喊。

我大聲少少喝佢又喊。

疾多佢兩句又喊。



扯佢條辮又喊。



更變態既事係我鐘意左整喊佢。

我開始會有意無意咁整喊佢。

例如玩既時候，如果佢串我或者唔聽我話，我會用力捉實佢對手，或者Meet佢D肉，會令到佢有痛既感覺先收手。



如果佢嗌唔好或者有任何一絲反抗，我都會加大力度，務求整到佢喊為止。

佢愈嬲或者愈大反應，我就愈興奮，愈有意慾去蝦佢。

佢成隻既手臂都係我整既瘀痕。

而每次整喊完佢，我都會好用心咁哄返佢。或許係摸摸頭，或許係撫摸返我整痛佢既位置，總之就好溫柔。

「唔好喊啦。。我知錯嫁啦。。」



「呵返。。我最錫就係你啦。。敏敏。。」

「我買隻茶葉蛋俾你碌下啊。。」

佢亦好快會破涕為笑，即使我日日都整喊佢，佢都無要離開我既意思，我地既關係有種無法言喻既親密。喊令我覺得我對佢係有影響力，佢既情緒係受制於我。呢個係我地兩個之間既默契，我知道任何一個人包括係何諾軒等等都比唔上，因為只有我先會對佢咁樣，我對佢既重要性已經遠遠拋離其他人。

某程度上，我覺得林敏兒係甘心俾我整喊，好似小王子同狐狸既關係咁，佢係馴服於我。

喊完之後我地又會好似咩事都無發生過咁繼續溫習。