我:【敏敏,你放咗學未呀?不如一齊去行下海皮】
林敏兒:【唔洗啦,我要返去做功課】
我:【我買咗禮物俾你,你落黎樓下拎好無?】
林敏兒:【幾時?】
我:【而家,我響你樓下】
林敏兒:【好。。。】

係我既煩膠攻勢咗成個月底下,林敏兒終於肯俾我見一次。肥傑話我今次同林敏兒既關係凶多吉小,叫我都係睇定啲先同佢表白,切忌太急進,免得令女神怕怕。

本來兩個金童玉女,就係因為我既戇鳩而搞到兩個相愛既靈魂從此分道揚鑣,各行各路,我希望下次見面既時候,我地大家都好好的,而唔係換黎一句:原來你,有關節痛?!咦唔係啵,我地應該仲係日日糖痴豆咁至岩。。。



我根據佢紀念冊寫住最鐘意唐老鴨既事實,買咗佢最鐘意既唐老鴨公仔、筆、信紙俾佢,買咗成五舊水,仲搵個粉紅色靚紙袋包到靚一靚,非常有誠意!(順帶一提,我既零用升上中學都大幅加到千五蚊一個月。當時物價都仲幾易食到廿蚊一個午飯,電話都係二三千蚊貨仔。千五都唔算少!)啲女仔都係鐘意呢啲無聊野,送俾林敏兒包無死!

林敏兒校服都未換,佢有少少閪面咁落黎,估計係覺得我好煩。

不過我唔驚,因為我有唐老鴨保佑!Yeah!

林敏兒:「點呀林書生?」

我遞個粉紅色紙袋俾佢:「送俾你嫁,希望你鐘意啦。」



佢一拆開,黑色西面突然變左個Bling bling姣西笑容,變臉仲快過小明坐火車。

你條友!唔好再現實D!

林敏兒:「多謝。。。仲係我最鐘意既唐老鴨。。。」

我隨即講:「鐘意就好啦,咁你唔好再嬲我啦。」

林敏兒向住我笑:「無呀,不嬲都無嬲。開學D功課真係好忙,我都無咩時間玩。」



「咁。。你幾時肯同我去海皮?」

「而家啦,擇日不如撞日。」

YES!!!!呀媽我終於得左啦!!!!

林敏兒過左咁耐終於肯同我去街,我可以同佢好好對話。



「你呢排點呀。」我問林敏兒。

「由男女校變左女校好唔慣,哈哈,成間學校都係女仔,每層都係得女廁~」



「新學校讀書風氣好重。第一日就已經訓話,叫我地一定要培養睇書既良好習慣,如果無野做既時候要睇書。第一個星期已經要我地做Quiz同默書,最Mean既係,老師仲會跟成績派Quiz俾我地。」林敏兒話。

「以你性格,你實日日返屋企咪書啦。」

「係呀,你睇下我個眼袋,趺到成個呀婆咁。」



我同林敏兒對望。

唉,已經幾耐無好好咁望過你一眼。

時間耐左多左一層尷尬同陌生。

應該唔係我形住,而係我同佢,真係有D野改變左,返唔到轉頭。



畢業真係改變左好多野。。。

關係好似玻璃咁脆弱(國產果隻),一碰就會碎。



或者從來都無堅固過。。。



「唔係呀,咪同平時一樣咁靚女。」其實好似殘左少少少少少少咁,都無咩分別丫。

「係咪嫁,你唔好呃我喎。」



「我林書生幾時呃過你。」你水我就有。

「咁你間學校點?」

「我間學校上堂氣氛好輕鬆,Quiz同默書都有,不過好簡單,好快就做得晒。同D同學都幾岩傾。」

「咁,你同何諾軒呢?」我接落去問。

「無呀。。。咪有時會傾下計。。。佢會搵我食下飯咁樣。。。。」

「你鐘唔鐘意佢?。。。」我鼓起勇氣去問佢呢條問題。

「做咩咁問。。。你好奇怪。。。」佢並無答我。

「何諾軒幾好呀,考慮下佢啦。」我口不對心:「人地擺明想追你啦。」



「你都幾好呀,不如我都考慮下你啦。」林敏兒繼續講落去:「其實,你都係咪想追我呢?」

嘩,一個直擊球打過黎,殺我個措手不及。我同林敏兒既position又變返一開頭咁,我係一個追佢既下風狀態。林敏兒你而家竟然可以咁有餘咁答我,係咪唔識怕醜嫁你?

「收皮啦。仲話想考慮我,選校咁大件事你都呃我。」小氣書生又嬲了。我唔太敢望實佢對眼,怕會曝露我心思。雖然事實係一早揭晒底牌俾佢睇。

「完啦好嗎。又提。你再講都改變唔到我地唔同學校既事實。」林敏兒反白眼。

呢啲係咪叫真性情?佢既個人生活都好倫盡嫁。。

我理智話俾我知我應該見好就收,如果唔係又準備第N次世界大戰。

「好囉唔提囉。」叮,我宣布林書生輸咗了。



我低頭望實佢隻手,佢隻手好白滑,細細隻咁,好想摸下。

突然有種魔力咁吸我過去,令到我有衝動同埋勇氣,一野拖住林敏兒隻手。

無他的,就係見到就好想拖。

佢今次無好似上次咁俾我嚇一跳,竟然仲俾我拖實,無Fing開我隻手!

我Feel到佢有D怕醜,一副顴骨爆裂既樣子,仲另咩面唔俾我望到佢個樣。

我心入面有興奮既感覺,個心怦怦怦怦咁狂跳,直頭開心到想大叫,追左佢成年,終於都可以拖到林敏兒隻手,而佢仲係唔放開嫁!


為咗要保留霸氣既樣子,我忍住咗唔發癲。

慢慢地,下面變硬左,條好緊既三角底褲頂住令到我扯得好唔舒服,仲濕左少少。媽呀,點解會咁嫁。

我深深咁呼吸左幾下,希望可以征服到我條丁。

『乖啦,唔好係個時候曳啦。。。』

『冷靜D!冷靜D!』我係咁叫自己冷靜,扮無事發生。

小書生都好聽話,隨住心臟既跳動逐格逐格咁降落。



我地兩個靜靜咁行過個海皮、沿路都經過左幾個街口,終於成功送到佢返樓下。

我望住林敏兒,佢亦都望住我。

正當我諗住可以無風無浪咁樣完結呢個旅程。

「多謝你呀。我今日好開心。」佢哄埋我耳邊講。

下面又有反應啦。。。

哎呀。。。

屌。。。

生性生性。。。求神拜佛捱埋呢幾秒。。唔好俾林敏兒見到。。。

「嗯。聽日見啦。我聽日再黎接你。」係林敏兒眼中我應該有D莫名其妙既尷尬。

「嗯。拜拜。」林敏兒好陽光咁樣返去。

『我要同佢表白!要佢做我女朋友!』

說好的目的呢。。。