一個書生既Player故事: 五十三

我以低調為理由，唔想公開為實，就算啲朋友點樣笑我同溫梓柔有野，我都唔肯認，以「講呢啲。」「邊有呀。」呢啲可圈可點既說話回答，我認為我同佢係隨時會分手既關係。而溫梓柔都係一個低調好怕張揚既人，所以對於地下情依個提議佢都係好願意接受。

隨住我同溫梓柔既緋聞係朋友間炒得熱烘烘，王家欣都有所反應。佢約我到一個突兀既程度，我每次都拒絕，唔肯單獨同佢出去，甚至hea覆佢sms避佢。無計，就算唔係太鐘意，我點都係人地男友，要負返啲責任。其實係咪攞自己黎搞？都唔知為乜。

今日，佢又踩上班房搵我。

「林書生，去唔去食冷面？」

「我唔食啦，我想同嘉樂佢地打波，你叫陳詩詩陪你啦。」



「咁你聽日同我去買禮物俾爸爸呀。」

「我約咗人唔得閒。」

「咁後日呢？」喂講到咁你仲黎！

「後日要交Reading report，我要趕返去做。」我依然拒絕。

「次次約你都唔去，你真係同溫梓柔一齊咗？」



「做咩姐你。」我好大反應咁啤住佢。

「係你咪認囉！又唔認！」佢都開始燥燥地。

「關你鬼事？你邊位呀小姐？」

「食屎啦林書生！」

「………..」我無語了。



「唔答即係認你地拍緊拖啦。」

「好煩呀你。暗戀我咪講囉。」

「明晒。鬼得閒暗戀你！」講完佢就嬲爆爆咁走咗。

呢條友想點？問人野又要燥人底？每次都係咁，真係好撚唔尊重，痴痴地線，真係膠都廢時派俾佢。好彩溫梓柔唔係度無聽到姐。