一個書生既Player故事: 六十九

為左表示我最後的誠意，我係一個星期六約左溫梓柔出黎三口六面講清楚，等佢有兩日時間整理下自己情緒先返學。

我已經無理佢個幾兩個禮拜，俾左足夠既心理準備佢。

佢屋企唔方便上去，於是我約左佢去唱Ｋ，有間房，方面傾私人野同埋俾地方佢喊。

講分手黎講，我都算Gentleman啦掛？

哈。



中出即飛呃人蝦條既林書生學咩人講Gentleman？

乜Gentleman會咁樣對一個女仔咩？


我早到入去拿左房，叫溫梓柔直接黎K房meet up我。

。。。。。。。

我地好尷尬咁唱左成粒鐘歌都無講過其他野。




我眼見得返個半鐘就到左交房時間，就禁停左音樂，直入主題：「梓柔，不如我地分手啦。」

「。。。」溫梓柔望住我，唔敢出聲。

「梓柔？你聽到嗎？」我盡量溫柔咁同佢講。

「我聽到。。」溫梓柔把聲都震晒：「點解要分手呀？我地唔係好好咩？。。」



「對唔住。我嘗試叫自己鐘意你多D，但真係唔得。」

「咁點解當初你又要追我，話同我一齊？。。。」佢已經想喊咁既款。

「當時覺得真係鐘意，一齊之後就無左果種感覺。。。」

「唔好呀。。我唔想分手。。我求下你。。」溫梓柔開始喊，仲拉住我隻手。

「我有咩做得唔好，你話俾我知啦。我改啦。」我見到佢開始好激動，喊到收唔到聲。



『因為你唔夠阿婷淫賤，你滿足唔到我性慾啊！』

我心入面咁諗，當然無講出黎，唔係佢傷心到自殘都似。



但好變態，我望住佢好慘，傷心到死既樣子，心入面居然感到一絲興奮。

一方面唔敢將D仆街說話講出口搞到佢失控，另一方面又好想見識下佢可以傷心到一個點既程度，好矛盾。

我個心好亂，我唔知道真正既林書生係點諗。

我係咪有少許人格分姴？

前一刻仲話對佢好要Gentleman，後一秒諗D咁變態既野。。。

林書生你係一個偽善者，好噁心。





「你唔洗改啦，你好好呀。梓柔，感覺既野真係無得勉強。Hurt到你，我真係好對你唔住。」口裡道緊歉，但我一D悔意既表情都無，哈哈哈，仲想笑，我仲要扮野到幾時？

「唔好呀。。我做咩都得嫁。。你唔好走啦。。」佢攬實我，喊住咁錫我條頸。今次係佢第一次主動錫我條頸。

我輕輕推開佢：「你唔好咁啦。」

我望一望錶，都就夠鐘。

我好Gentleman咁放底舊錢幫佢埋單：「你要堅強D呀，我以後陪唔到你嫁啦。。」



溫梓柔一副絕望既樣子坐左係梳化，大概知道我心意已決，都廢時作無謂既爭扎。





「我走啦。拜拜。」

然後我就頭也不回咁離開。

嗯，林書生既Gentleman獨角戲完成了。



事實係，從頭到尾我都無鐘意過你。

我只係鐘意有人鐘意我。

你係我面前喊到死，但我對你依然一D感覺都無。



我關心既係「原來我既吸引力可以傷到人」，多過「原來你會咁心痛」。



我係一個不折不扣既仆街，當你係一件性既工具，不停消秏緊你既真心，試圖係你既身上搵優越感。

就算我知道自己做既野有幾咁賤，我都無試圖去改，依然不停咁傷害你。



我呢D人真係唔死都無用。

我只係Nothing，我係一件垃圾。

比任何一個男仔都不如。

唔好對我咁好。

唔好鐘意我。

我講真的。

你要走好走啦。



我飛你都仲要痴埋黎，受傷就唔係我責任，貴客自理啦。



呢首歌，可能係溫梓柔對我既心聲？個歌名都係用黎紀念溫梓柔？

以後聽到依首歌，我應該都會諗起曾經有個溫梓柔，係過我中二既人生出現，而我當時扮作一個好人去傷害佢。

【麥家瑜 - 殺死我的溫柔】https://www.youtube.com/watch?v=CKk0LFEEg7U

「寧願愛上個壞人　寧願你樣子雖吸引
然後性格爛到卑劣　暴躁更花心
寧願變作了敵人　連共渡多一秒都不忿
如沒有你免去一劫更甘心

錯在你好人　好到沒法多一個
告別太溫和　使我未能哭出痛楚
你甚至找我　知我病了竟買藥給我
註定我想得更多
為何好人　好到願意放開我
既是個好人　偏不給我好的結果
你甚至羞愧　刻意待我好你便好過
將牽掛卸給我」