試過有一晚,Vera打電話黎:「林書生,我唔識做Maths Ex.5B阿.. 你不如教下我?」

我心諗,我地好似未熟到要講電話既關係下話:「我都未做。。你問下肥傑啦。」咪話我唔益兄弟啦。

「廢時啦,我都唔熟佢。」我同你都唔係好熟嫁咋喎。



佢成日都借D意約我,終於係End Term Exam前,係高級Source既利誘底下,我出左去自修室同Vera溫書。



「今晚一齊食飯?」Vera問我。

「不了。我返屋企食。」

「約過你咁多次,你無一次同我食既。。你係咪約咗女朋友食飯呀?」

「我無女朋友,同埋我真係返屋企食飯。」我沒好氣。

「係咪嫁。」



「呃你做咩姐,屌。」

我無做過任何越軌行為,連Flirt都無乜。

自從溫梓柔事件之後,我都想堅持一個原則,就係:唔會再因為想搞野而呃人拍拖。

唔會俾錯誤既Signal人地令人誤會我想拍拖,性是性、愛是愛。

始終會傷到人真感情。



我同人築起一段距離都係唔想再Hurt到人姐,你又唔洗想太多。




到考試完咗,我即刻潛晒水唔Show佢。

後來,同我相關既流言開始出現:「林書生好臭串好無禮貌!唔會覆人Sms!」

「聽講佢成日中出即飛,呃女仔隻豬黎食!」

「咁你唔好痴埋去啦,因住渣都無得剩!」

「聽講林書生媾唔到女就發女仔脾氣講粗口鬧人!食飯又要AA,勁唔Gentleman。」屌,呢個吹大咗喎,我好少同女仔食飯要佢俾錢。



「有人話林書生係出面收埋幾個女朋友唔認!有人放學分別撞過佢同唔同女仔一齊。」

我同人少交集,唔會特別話得罪咩人啦?

肥傑嘉樂根本唔知道我有Sp既事,校內既溫梓柔同阿婷都唔會講,直覺話俾我聽,一定係Vera亂咁吹水唱我!(雖然呃豬食同唔同女仔去街係真,但佢鬼知咁多咩!)

呢啲見高拜見低踩既女人,都係貪我地出名靚仔有啲地位先痴埋黎,攞虛榮感姐,我睇唔出佢唔認識我唔通真心鐘意我咩?唔好講笑啦!

我真係睇錯咗佢,估唔到佢好眉好貌咁對人,可想而知同佢一齊既話會有咩下場。

好彩無中到伏姐,真係中出即飛佢既話,應該全校都會知。。