我甘於同佢維持如此單純美好既關係。
 
然而,安定平淡既日子總會有D小漣漪。
 
心思敏銳既我察覺到最近江柏琪好似有D唔開心。
 
 
「喂,你呢排做咩悶悶不樂咁?」我問江柏琪。
 
「夜晚掛住睇書唔夠訓掛。」信你一成就死啦!


 
「你都會睇書嫁咩?」
 
「係呀,唔得咩?」
 
「咁你琴晚睇緊咩?」
 
「嫌疑人X的獻身,東野圭吾。」
 
「嗯,都似係你會睇奇奇怪怪既野。」我話:「正常女仔唔係都鐘意睇愛情小說嫁咩。」


 
「果D無腦既恨拍拖既女仔先鐘意睇姐,同鐘意睇韓劇一樣,唔好咁多幻想啦。現實邊有咁美好。」
 
「乜你十五歲人仔就看透世事咁呀。你受過情傷咩?」探下口風先。
 
「有無都唔關你事啦。你就搞到人情傷啦。」
 
「我?咩呀?無啦啦又燒埋我果撻。」
 
「你個朵咁臭,連我唔識人都知你周圍媾女啦!」江柏琪一一細數我既N宗罪:「約人出街要AA制、約唔到人發脾氣啦、周圍食女呀嘛。。。」


 
屌!唔怪得佢一開始咁驚我啦!肯定係因為Vera條仆街既唱鳩臭朵!阻住我搵食!
 
「頂!我俾人屈嫁囉!我約人出街唔會AA,我幾時有約唔到女仔就發脾氣呀!你話啦。」講落,我都無約過江柏琪係廢校以外地方玩。就算我約佢,我都無把握佢會應約。
 
「哦!咁即係周圍食女係真嫁啦!」
 
「痴線。乜我似D咁既人咩?」我唔想係你面前破壞形象。。。
 
「似!額頭寫住『花心』兩隻大字。」
 
「咁你小心D,唔好同我做朋友啦你。」
 
「我幾時話同你係朋友?」江柏琪一副笑笑口撩架打既表情。
 


「唉,江柏琪,你令我好傷心。」
 
打探唔到佢發生咩事。我總覺得另有內情。
 
以佢性格,有事都一定唔會攤開黎同我講。
 
我只可以係學校收下風,留意下佢既一舉一動。
 
係江柏琪身上,我學到真係想知一件事唔可以靠問,反而要留意佢既大小事,只有我眼見既事實先係真。