過住一個人既生活,真係會愈來愈頹。
 
放學後無所事事,唔知做咩好又唔想返屋企對住四面牆、唔想搵朋友、唔知同邊個講野、飯又懶得落去買,永遠拖到最餓既一刻先去食飯、連野都不是太想扑。
 
長期自己一個,好似同世界失去咗聯繫。
 
好彩既係,每日我仲有得返下學,有幾個朋友,總算仲有啲社交。
 
「江柏琪,你唔覺得自己一個係廢校好悶嫁咩?」有一日,我係廢校問佢。
 


「唔覺。我好鐘意係廢校,夠晒寧靜。」
 
「走咗先發現我好掛住屋企好煩果個呀媽。原來屋企無人嘈係咁慘的。」
 
「你呢啲有咁多家庭溫暖既人唔明嫁啦。」
 
「你屋企好差咩?」
 
「我長期家庭不和。老豆有燥狂症又爛飲,老母被佢搞到個人抑鬱。屋企重男輕女,想生仔但已經無錢養多個。屋企三日一小嘈,五日一大嘈。所以我鐘意係廢校Hea到夜一夜先返去,起碼有片刻既安寧。」
 


唉,又一個社會悲劇既例子。
 
如果俾唔到一個好既家庭仔女,點解仲要生佢地出黎受苦?
 
佢地真係好慘,父母無得揀,佢地既出生早已注定每天受苦。
 
「唔好用咁既眼神望住我。我最憎人可憐我。」江柏琪話:「如果你因為覺得我慘而對我特別好,我會嬲死你。」
 
「。。。」我都唔知點回應佢。
 


「你睇我對你幾好,容許你係我既秘密基地度出現咁耐。」
 
「低能,間廢校係你嫁咩?」
 
只能說,我真係要對呢個女仔好D。
 
不過江柏琪好要面,唔可以就擺到明對佢好。
 
我諗口硬心軟呢樣野,無人會比我更瞭解佢。
 
同江柏琪相處真係一門學問。
 
林書生努力惡補既課程。