屋企人搬咗去意大利既事,我連羅嘉樂同肥傑都無講俾佢地知。
 
所以,同居三個幾月以黎都無俾同學發現到,真係好成功。
 
好快就經歷完考試到咗暑假,我同江柏琪見面既時間更加多。
 
搞笑既係,我同江柏琪真係生活Type,由廢校以黎都好少出街玩或者行街。
 
行得最多就係超市同埋日本城。
 


「林書生,你有無見過我塊冰巾?」
 
「冰巾?你覺熱咪開冷氣囉,洗乜用冰巾。」
 
「唔知呀。黎M成身都好興,好似發燒咁。」
 
「去雪櫃攞舊冰放係身度咪得囉。」
 
「唔得呀,我見到條冰巾好得意,好想買。」
 


「你自己落日本城買啦。」
 
「陪我落去買啦。」
 
「好熱呀,唔想落。」
 
「落啦,我唔煮晚飯你食嫁!」
 
 「唉屌好撚麻煩呀你。」搞到我要起身換褲同佢落去。
 


 


為咗買條On9冰巾,我地大熱天時特登行遠路去Jusco買(而家已經改咗名做AEON。。Oh老屎忽)。
 
「哎屌出晒汗。」
 
江柏琪好似都熱到無乜心機,無乜點出聲。
 
行到2046終於搵到佢條冰巾,諗住行多陣去Counter俾錢,點知佢無啦啦面都青晒,同我講佢M痛好辛苦,要坐底抖抖。
 
佢個樣好似就黎暈低咁,嚇到我都唔知點算。
 
「屌。。屋。。企。。唔夠。。M巾呀。。。你幫我買兩包YY草本日用。。。一包夜用,XX牌38cm果隻。。。」
 


要我堂堂林書生買M巾,我差D啤住佢講粗口。睇在佢而家痛到死死下既份上,我收返我想講既粗口。
 
咁都要買嫁啦。
 
我立刻係間店狗衝去搵M痛藥同埋M巾。
 
順便買返包封晒塵既陳年暖貼,同埋朱古力俾江柏琪。
 
我攬住佢膊頭,帶佢出商場截個的士就返屋企。
 
「你睇你,咁虧,行兩步都要搭的士咁富貴,養你真係難。」
 
「肯定係因為琴日食咗雪糕。」佢已經極速攤咗係床度。涼又未沖,好污糟呀。
 
「你快啲訓休息下啦。」


 
「食完藥即刻好返好多。」佢坐咗起身。
 
「我都未見過咁好精神既病人。」頭先痛到想死咁既款,而家又咁生猛,俾佢激死。
 
我伸手放係佢頭上探熱9up:「唔,醫生話你要休息,快啲訓。」
 
江柏琪都聽我話真係休息訓教。
 
我得閒就入佢房望下佢個柒樣,摸摸佢個頭,場面溫馨。
 
江柏琪好似隻寵物好乖係度訓教,依一刻,個世界就剩係得返我地兩個。
 
好想攬住佢訓。唉。
 


然後下午四點我就返咗自己房訓。