一個書生既Player故事: 一二九

訓訓下，我感覺有人望住我就醒咗。
 
一睜開眼真係嚇親，成部電話隊向我塊面唔夠20cm距離。
 
「吊，好玩咩。」白眼都反埋。
 
「攞張相黎昅昅。」我起身坐係床邊，舉起手就想攞江柏琪既電話。
 
「N-O Noooooooooo!!! 唔俾你Delete！」佢極力反抗，仲想偷走離開我房門。
 


係短短既幾秒，我由捉實佢電話，變到捉住佢雙手，到一野拉咗佢落床迫佢攬住我，好似韓劇一樣既經典畫面，我都唔知自己係真唔小心定有心咁做。
 
佢個人失咗平衡成個跌咗落我度。
 
我攬住咗佢條腰，同佢對望。
 
我覺得呢個Moment係一個機會，我向前準備錫江柏琪。
 
但佢卻轉頭，留下一句「唔好」，就拒絕咗我。
 


江柏琪輕輕推開我，我亦由得佢離開返自己房，因為我唔會迫自己鐘意既人做啲佢唔想做既野。
 
你知我鐘意你嫁。
 
 
我好似自願當兵，唔係，江柏琪由頭到尾都無要我做兵，只係我單方面要求佢俾我做兵？
 
都唔係呀。

我覺得江柏琪唔係唔鐘意我，只係我地唔係好拍拖既感覺？


 
我既思緒好混亂，唔知道自己想點。
 
唔知我地既關係算點。