一個書生既Player故事: 一六五

我搭的士去到江柏琪Hall樓下。
 
我地去咗紅磚附近一間串燒度坐底食宵夜。
 
江柏琪著住Camp Tee短褲，一臉奇怪咁。
 
臉上有點害羞既女人味散發出黎。
 
呢種表情，我係丁丁同溫梓柔既臉上見過。。
 


我心感不妙。
 
 
我問江柏琪：「咁耐無見，做乜一黎就約我咁夜？」乜而家你都咁夜先去街！
 
果然住咗Hall之後，生活習慣都會立刻改變。
 
「我。。有野想搵你俾意見阿。。」
 
「我組爸阿Tim岩岩同我表白。。」


 
正一死狗公！兩個月前江柏琪俾張相，一睇就知你係狗公MK仔！
 
「咁。。你有咩需要我俾意見？」我控制表情。
 
「其實佢第二次同我表白啦。一個月前我同佢講，我有男朋友啦，叫佢放棄啦。點知佢依然無放棄，每日都對我寒暄問暖，又送D小禮物俾我，又每日送我返屋企。」
 
出到聲話有男友都仲表白，正仆街！
 
好Hurt，我鐘意你都同你表過白，又對你咁好，佢做到既野我都做到，點解你唔會考慮接受我？


 
「我都對你咁好，你又唔考慮下我？」
 
「我。。」江柏琪唔知點回答我：「我地唔好講呢D啦。」
 
「咁你鐘意佢？」
 
「開頭有D好感，慢慢就俾佢感動咗，佢話佢以前都玩好多，係一個仆街，但而家想認真拍拖定落黎，佢話會俾到幸福我。我本來想應承佢但我太毒啦，又拒絕咗佢。唉都唔知點算，佢會唔會就咁放棄？」
 
太毒所以拒絕係咩鬼爛理由。
 
 「一睇就知佢係狗公格啦！講D咁既野你都好信，帶眼識人啦唔該！」
 
「佢真係好好嫁。我覺得佢為咗我而改變，亦唔介意將佢以前既野同我坦白，真係好有誠意。」
 


 「咁你想咪接受佢囉！仲係度問我意見做乜？問完又唔撚會聽！」
 
「我信你先問你意見姐！你咁惡做咩喎！」
 
「我唔撚講啦，你自己鐘意點就點啦。」
 
我地今晚既見面都有少少不歡而散。