一個書生既Player故事: 一七一

12月22號，即刻係Joint U Party既晚上，我地約咗十一點半係Levels門口等。
 
去開中環，我就順便坐巴士上去新屋睇下環境。
 
舊租客已經搬走咗，還原到好似幾年前睇樓果個情景。
 
齊裝修真係方便，就咁搬返D雜物，就住得人。
 
諗起遲D住係度，返個屋企都要特登轉車真係好麻煩。
 


 
今日我著咗件長長既灰色大褸，都係普通白色恤衫，灰色長褲，Gel返少少飛機頭（平時Gel好少），應該見得人啦掛。
 
Cammi同Candice無黎，話無興趣，自己出去玩後Join。
 
我同Parsons、Eric佢地由地鐵站行到去Levels樓下，佢兩個都執到好正，大家Gel個咁上下既飛機頭巴打團Feel。
 
22號既蘭桂芳已經好多人，有點水洩不通。
 
即使已經係冬天，D囡都好似唔覺凍，個個都化行妝，黑絲薄薄既短裙仔上陣，Deep V有，Cosplay扮聖誕老人又有。



女女女女女女女好多高質正姐姐阿！我好鐘意！

乜呢D咁情趣內衣既衫都可以就咁著出街！大開眼界！
 
「Merry Christmas! Enjoy your first free drink by this ticket! Free entrance for Ladies!」有個好索既鬼妹派傳單。
 
我對佢輕輕點頭。
 
我同Parsons好似個自由行咁傻更更乜都唔識，Eric滔滔不絕咁介紹老蘭：「咪話我唔教精你地啦，聽住啦，我講得好Detail嫁！開頭呢幾間清吧傾計，價錢貴少少既，通常想媾女都唔會去嫁啦！如果鐘意食Shisha，轉右呢條街有好多間，平平地都幾抵食。」


 
「China、Graffiti呢D bar價錢平民又有個舞池仔，到一兩點既鐘數就最旺場嫁啦！好易識到女！咁Club呢來來去去都係呢幾間，Prive、Play、Beijing、Magnum啦！Shot Bar就好平，最平$15 shot都有，但D酒Cheap過屎，我試過經過口痕飲一Round，第二日頭痛咗成日，唔好貪平啦。」
 
間間Bar都差唔多樣，都唔知有乜分別。
 
我地行到去Levels樓下，見到勁多人排隊入場，門口幾個黑鬼實Q係度Check飛，Check身份證。
 
都幾多後生女，但打扮黎講都係啱啱經過見到果D姐姐高質，我見到有D女仔直頭妝都無化，就咁著條裙，咩住大大個斜咩袋，好似返學咁，即刻扣晒分。
 
「喂～Eric！」前面有個身高約175，樣正正常常好似幾玩得既男仔叫Eric。
 
「喂！Shawn，咁啱呀！好耐無見你！」Eric同佢講。
 
「係呀，帶D組仔女黎見識下。」阿Shawn話。「同你地介紹呀，我係天文既組爸叫Shawn。佢地係我既組仔女阿Fi、Janet、Tiffany、Kimmy、Ken。」
 


呢個Shawn好識玩阿，帶晒成堆女黎，雖然佢班女都係偏乖，著D裙仔過黎。
 
我地就幾條仔係度格劍。
 
「我叫Scholar。Haha。」叫自己做書生好似太柒。
 
「我係Parsons。」
 
「你地有無開枱？過黎我地水會度玩？」Eric問。
 
「無阿。好阿。」阿Shawn話。
 
係門口，Eric好似個交際草咁，相識滿天下，隔一陣有新人黎就同佢打招呼，個個都識得佢。
 
對於Eric呢個世界仔既交際能力，傻傻Parsons企係側跟既我不禁佩服。


 
佢仲介紹咗水會其他House既人俾我地識，多到我已經唔太認得。
 
傾傾下計，牧場既主人終於放我地D綿羊仔上去啦。