一個書生既Player故事: 一七七

簡單清潔過後，我地攬住係床度訓到第二朝，再一齊返屋企。

好難得會同丁丁啪完再一齊過夜，感覺不錯，有種好似去揼完骨既舒爽感（？）

「你呢排點呀？拍拖未呀？」我問丁丁。

「拍緊拖就唔會同你過夜啦。」丁丁話。

「唔一定嫁喎。」



「係既。真係要瞞對方出去過夜由乜易呀。」丁丁有感而發：「自從俾你開發咗、又識咗阿婷，我先識得面對自己對性既慾望。原來性係一件咁美好既事。多謝你阿。」

「講呢D。」我笑咗。

「阿婷仲介紹咗個好S既男仔俾我識，做咗SP。」

「哈哈，佢滿唔滿足到你嫁？」

「都唔錯，每個男仔既習慣同風格都好唔同，真係要試過先知。」丁丁話：「不過，我都知我地唔係正常人。呢方面既諗法，好難同同齡既人同步，開口同人講。所以我都特別珍惜同你、阿婷既關係。」



「升咗大學，識既人成熟又多D經歷，會容易同步好多。我返咗一個Sem都識到個SP，哈哈。」

大家係度報告近況，就好似講緊最近去過咩餐廳食野咁簡單。點解可以講到咁輕描淡寫？

我補充：「只係我地比同齡人早熟，對得住自己同人地就得，又唔洗諗咁多既。」

「嗯。我都唔知咁係好定唔好。」丁丁話：「你呀，搬之前記得搵我同阿婷食飯阿！就咁搬走我會嬲嫁！」

「搬咗又唔係無得見！講到我去咗外國住唔返香港咁！」



「人地唔捨得你呀嘛。」

「低能。」我話。佢出Lift，同我揮手講聲拜拜。