一個書生既Player故事: 一八七

到咗開學既日子，都係返學、落堂、約Frd。

咁大學生時間多但無錢，大部份人都會搵份Part time去做，補習、TA、炒散、Promoter呢D都係比較熱門正路既行業。

我零用錢夠洗有突，拎去炒股票報埋學車都仲有錢剩。

去番Part time拎下人生經驗，咁當然要揀D自己有興趣既工去玩。

遊戲人間，人間遊戲。



我對酒吧情有獨鐘。

係酒吧工作，可以見到眾生相，用最冷靜客觀既心態去睇呢個世界。

 
「你上次咪話有個Frd係尖沙咀一間Bar度做Bartender，可唔可以介紹俾我識？」我問Cammi。
 
「好阿，我俾佢電話你，你搵佢傾啦。」Cammi話。
 
「Thanks.」


 
  
我：【Hi, Mavis. 我係Cammi組仔書生。聽講你係TST一間酒吧度做，可唔可以介紹我入去做Bartender？】
Mavis：【Bartender未必有位，但我地就等緊Waiter用，有時都可以幫手沖下野飲，你有無興趣？】
我：【有呀】
Mavis：【我同老闆講咗，你今晚10點黎搵我地傾，做個簡單Interview】佢Send咗個地址俾我。
 

我去咗間叫Hawaii既酒吧，呢間Bar位置隱閉，係橫街入面，同諾士佛臺咁旺場既地方形成強烈對比。



我仲以為Mavis會係旺場既酒吧度做野。
 
酒吧面積中等，微弱燈光，可以容納大約80，可以掟標、骰盅、轉盤、Beer pong、Slab cup。

仲有得唱K，都幾骨子。

人流唔多，唔滿座，唔會太嘈但又唔會太清吧，適合幾個朋友黎自私玩。

我同Mavis打咗招呼。Mavis身高約175，身形偏瘦削，染咗一頭灰色既頭髮，耳骨釘咗個黑色耳環，著住黑色恤衫Gel咗個o架仔散亂髮型，都幾有型。

老闆年約四十，笑容滿臉，好Social。

「你有無返過餐飲？」老闆問我。

「無。」



「唔緊要，我地做野都好簡單，唔洗咩經驗。返工係呢度打卡，閒日夜更七點到兩點，主要都係幫客落單，記熟餐牌既Signature；咁有D特別野飲餐牌無既都可以做俾佢，睇下用咩酒去計價錢，問Mavis就得。」佢拍一拍我膊頭。

「最重要係，返工時間唔可以飲酒，同埋唔可以問客人攞電話。」老闆又無講有咩Penalty。

「係既，我明白啦。」

老闆同我交待咗幾句，就掉底我俾Mavis，同D客人Social吹水。

Mavis再詳細咁同我講下D零食、餐具、清潔用具，枱號、點樣入單等等，同其他同事打個招呼，當晚我已經落手做野。

都係手板眼見功夫，其實唔難。


有一枱新客到。



「幾位？」

「6位。」三男三女，係著住Office斯文衫既客人。

我帶佢地去座位度。

等佢地睇完餐牌，我走埋去問佢地：「想飲D咩？」

一個樣子較Smart既男仔話：「一個Whisky Coke、Mojito、White Russian、Screw Driver。你兩個飲咩？」

Whisky Coke、Mojito、White Russian、Screw Driver。。。

差D記唔到，我都無飲過呢D。



 「Er...未諗到。」一個正常樣女仔問我：「今日咩啤酒有特價呀？」

我都唔知咩啤酒特價，窒咗窒。

正當我諗住是但答佢青島或者藍妹既時候，啤酒妹同事走過黎：「要個Asahi tower啦好無？今日抵$350一Tow。」

「好啦。」


我同Mavis講：「Whisky Coke、Mojito、White Russian、同埋有個唔知咩Driver。。」

Mavis：「Screw driver？」

「係呀。」



「你唔知Screw driver係咩？」

「唔知呀。」

「即係Vodka溝橙汁。大路野無伏，記住啦。」

「仲有一個Asahi Tower。」

「OK。收到。」