一個書生既Player故事: 二零五

我由廁所返自己座位既途中，見到個熟悉既面孔坐咗係中間果行。
 
佢咪水會白色Bikini囡囡Michelle！

仲係坐係少數兩側都無人既訓教位，好正。
 
我同佢揮手打招呼，Michelle一臉驚喜既樣子對我微笑點頭。
 
「乜咁啱呀！」我坐埋去佢隔離。
 


「係囉！咁都撞到你。」Michelle話。佢講野陰聲細氣，都幾斯文。
 
「你陣間轉機去London？」我印象中佢係去倫敦Exchange。
 
「唔係呀，去Amsterdam。」
 
「點解既？印象中你好似唔係去荷蘭Exchange嫁喎。」
 
「我仲有兩個禮拜先係London開學，黎Amsterdam搵個朋友歐遊下先。」
 


「正啦！我下星期就開學啦。」我問：「你個朋友都係Amsterdam Exchange？可唔可以介紹我識？」
 
要把握每一個可能識到香港人既機會！
 
「呢幾日可以一齊玩呀。佢係Exchange完準備走，你有野可以問佢既。」
 
「可以呀。但我第一日要去College報到同埋Check in guesthouse。」
 
「約住第二日先。到時再電聯。」
 


「嗯。」
 
就係咁，我地就約咗第一個歐遊既Trip。

仲有兩個鐘就到杜拜。

我同Michelle玩飛機上面既連線遊戲，Battleship、Chess、Poker。


「輸咗添。」Michelle話。

「踩地雷咁都輸咁多場，你真係黑仔。」

「玩多場！上訴！」



「好呀。」我由得佢玩。

好笑既係，無乜技術含量講運氣既遊戲，佢都連續輸咗五場先嬴到一場。

「仲有15分鐘就到啦，我返位先。」我就返咗去自己位度坐。

「嗯，陣間落機見啦！」

「好呀。」

經過呢兩次短暫既相處，Michelle俾我感覺係一個外表Gfable，講野斯斯文文，正正常常，唔毒都唔出眾，性格無乜特別既女仔。

普通既對話。

普通既相遇。



一切都無乜特別。