一個書生既Player故事: 二二三

九點鐘，起床了。

最近都起得比較早。

我望住訓係我身邊既Michelle，有種好奇怪既感覺。

女朋友？

我好清楚記得琴晚叫Michelle做我女朋友而佢又答應既事。



神志不清衝口而出亂講野。

人院女神咁輕易就俾我食咗，隨口問一句就應承做我女朋友。

佢咁輕率答應，對我都唔荒認真。

搞笑。

點解我要對Michelle咁講？



或者係我覺得人在外地，應該要有返個女朋友互相支持下去，否則會好悶好孤單。

孤單就要隨便開始一段關係？林書生，你個腦食咗屎？你知唔知咩叫拍拖，你記唔記得自己識咗江柏琪之後，變咗聖人Mode，話唔再玩弄感情，玩都要有原則。

上下高登都知而家D後生仔都唔知咩叫拍拖，個世界觀變咗了，林書生你與時並進啦，Causal既愛情真係好Causal，唔好看得太大件事啦。

又或者我內心真係鐘意佢，只係理智唔願意承認自己既感覺，所以隊完草先衝口而出，呢句係出自我真心。

唔係嫁，你對江柏琪同林敏兒都唔係咁嫁，你好清楚自己做緊乜。



林書生，你大個嫁啦，唔好再相信愛情啦。

搵到個條件、性格好，又相處到既人咪一齊落去，愛情到最後都會變感情，有無Feel ，有關係咩？實際啲啦。

無論結果點都好，開始咗就努力嘗試下。

嗯，試下。