Michelle喺我既懷抱內訓著,起身時,佢微笑對我講咗一句:「早晨。」

我同Michelle去返市中心食個早餐,周圍行咗陣,就送佢去機場。

我地拖住手,又講下荷蘭既歷史或者小知識,比起自然,我會話,一切是幾咁熟練,好假,我地乜野感情基礎都無。

一開始投契既感覺,只係對方社會經驗多咗,個人有見識既假象而已?

經過呢幾日,我點樣評價Michelle?識野多、份人夠知性、感覺斯文係第一印象。



佢份人唔蠢,知道某D時候,要扮下野賣下口乖哄下我。

呢幾日24小時全天候一齊,相處落就會發現問題。

我唔知道係加咗拍拖既名義先係咁,定係佢本身就係咁既人,只係慢慢顯露咗出黎。

點解咁講,喺小處上面,會發現Michelle性格都幾。。

我唔知咁樣叫港女定公主病,呢D性格既女仔真係無處不在,中伏機會極高!



例如價錢太平,或者影唔到靚相既食肆佢係唔會去,我好懷疑佢喺香港係咪連譚仔都唔會食。

出門口化妝都化成粒鐘,好煩,人地江柏琪平時唔化妝咪一樣咁靚。

去到邊都要我幫佢影相,一個Pose影十幾萬次;佢真係好撚鐘意影相,拖住我都要影相,有時我都唔知佢同我去街,定同部手機行街。

有D野我提出意見,唔順佢意,佢會有幾秒既西面,好快又回復返平時既笑容。

食飯老奉俾錢,連機票都要用埋我張Paypal去俾,識咗幾日都毫不客氣。



喺我宿舍坐喺度完全唔諗住幫下手,連佢D行李都唔點理,叫我幫佢執,好多野當正我係工人老奉咁。

我覺得,做男人要有風度,但作為女仔都唔代表係老奉咁去接受,你扮下野俾下錢,幫下手都好。

我好怕D為我不停製造麻煩既女仔。

好多事,我希望佢夠獨立,有能力解決到,唔好事事倚賴我,例如扭個樽蓋都無力,要我費神太多。

我唔介意照顧同埋哄下女朋友開心,自願想陪佢係OK。

但如果係人地要求我陪佢,如果唔係就西面發脾氣咁樣迫我做係唔OK。

拍拖初期係評價對方既重要時期。

如果喺香港,實果斷Blacklist咗Michelle,下次唔洗再見面,理得佢係Ig女神,靚女又食得既女仔我都識唔少啦,洗受你氣咩。



不過人在外國就。。算啦,我忍,選擇唔多,我都仲想要一個旅伴。


「我地。。睇下幾時再見啦。。」Michelle喺離境大堂同我道別。

「開學睇下咩環境,放假再約啦。」

「嗯,書生,我會掛住你嫁。」Michelle攬住我。

「好快就有得見啦。」我話:「快D入去啦!唔知閘口遠唔遠!」

「咪住。」Michelle話。

「做咩?」



「拎部電話出黎。」

Michelle拎我部電話自拍,跟住將我地既合照Set做Wallpaper,話唔準轉相。

呢條友真係。。雖然你係一個靚女,哪來的自信呀。。

「Um..」

「就咁話啦,無得Say No~」

「同埋。。加返我Ig。。」Michelle拎住我部電話,幫我follow咗佢Ig。

我地先正式交換Instagram同埋Facebook。



「咁我就放心飛啦!拜拜啦。」Michelle錫咗我一啖,就走咗。

Wtf?