我同Michelle Check out藍湖酒店,搭巴士去首都雷克雅未克 Reykjavik市中心既酒店擺底野,開始我地既冰島環島之旅。
 
我地咁多日都係跟團去。
 
聽落跟團好唔浪漫,但冰島既天氣反常,如果自駕遊路面結冰各樣野又唔知點處理,而且郊區有好多地方都無馬路,無人帶真係會盪失路去唔掂。
 
亦都有樣好,跟團唔洗同Michelle有咁多交集,坐車On99可以訓下教休息唔洗睇落車,再港女既佢喺咁多人既地方都會收歛一下。
 
就算果日安排得唔好,都係個團既問題,而唔係我問題,唔洗聽到啲「你點安排嫁~咩都睇唔到!早知等我搞啦!(而佢從來唔會)」呢類令人細佬彈起,呀唔係,係中指舉起既說話。
 


Btw,冰島既旅行團係非常之有人情味。
 
如果出發當日知道一定睇唔到北極光,有可能會取消行程,或者可以免費參加多一次北極光團。如果留十二日都睇唔到一次極光,就唯有下次再黎。
 
下次再黎?不了。即係「不」過一定唔會同Michelle去「了」。Haha Sorry個Gag爛咗少少。