我同Jerry Chat完,就即刻打電話Michelle通風報訊。

「嘟嘟。。嘟嘟。。」

「喂?」Michelle好快就聽咗電話。

「你而家自己一個?方唔方便講兩句?」

「方便。你把聲咁凝重既?係咪有咩事?」單單一句,Michelle已經意識到我既認真Mode。



「Jerry搵過我。」

「係?搵你做咩?」Michelle聽落毫不在意。

「你呃佢既野佢都知道晒。Jerry仲喺你電話搵到我地喺冰島拍既片,今晚佢同你講完分手就會放晒上網,等你身敗名裂。」

「唔係掛!佢睇到啲片!」Michelle都受驚了。

「佢好嬲!你今翅GG了!」我話:「同佢傾咗幾句都覺得佢份人忽忽地,你邊度識埋啲咁既人嫁。」



「都係Exchange果時識。」Michelle話:「又唔係靚仔份人又On9,唔係有錢係咁送名牌俾我,我都唔會睬佢。」突然諗起林敏兒,都係當我水魚咁。

「即係佢唔係你新仔?」

「我D Taste邊有咁差,佢至多咪兵仔!」

「兵仔又成功入到你電話偷片?」我質疑Michelle講既說話。

「佢應該係幫我整電腦果時偷。」但Jerry明明同我講,係用Michelle手指解鎖Iphone;又話Michelle呃佢喺歐洲無拍拖。



雖然唔係乜野重要既事,但兩人既口供唔一致,羅生門令我心裡感到有點不完滿,但我唔想針著喺D無聊細節上面。

 「你自己睇路,我幫唔到你D乜。分手果時好聲氣D,唔好激親佢。」我可以做既野得咁多。

「Er….好既,明白。唔該你,拜拜。」Michelle好無奈咁講。



我一臉人生已完既頹樣收Michelle線。

我坐喺屋企張床度,一時擘大個口發呆,一時雙手抱頭大叫:「哎呀!死啦!」「唉!」

簡直係倒數緊死亡呀!林書生今次真係身敗名裂!

無啦!我以後唔洗出黎媾女啦!仲唔俾人笑到面都黃晒!



我好無率先公開Michelle既淫片好似無咁柒?

垃圾林書生!貪得意應承Michelle拍片!玩死自己!

唔拍咪唔會俾Jerry摙住個春袋囉!

如果係我拍,就安安全全唔會俾人偷到片!你確定?

Michelle好蠢!阿!!!!

我有諗過衝去搵Michelle,搶Jerry部電話Del咗條片,但斷估佢唔會唔Make a copy咁蠢!

可唔可以報警話佢不誠實使用電腦?



一激親條痴線佬咪又發癲。

點做都死。

點諗,都係等Michelle以柔制鋼係最好既方法。