返到Hall四點,Parsons仲係Con day既水深火熱之中,我就極速沖個涼訓覺。

起身下午一點,我好順利走咗朝早既堂。Hall啲人出晒去,遺留下來係難得既寧靜,我自己一個落樓下食Hell can。

我見到有個樣毒毒地無打扮、黑色過胸既長直髮、黑色眼鏡、唔出聲、毒毒地、個胸幾大,感覺有點似一個動漫女角色叫佐倉愛里(歡迎來到實力至上主義的教室)既女仔一個人坐咗喺窗邊既位置食飯、玩電話。

我買完飯就坐咗喺佢斜對面,原來佢玩緊交友App,不過唔係成日見到既Tinder同埋Skout,我唔知道係乜野App。

「Hi.」我主動同個毒毒地既女仔打招呼。



「.....Hi.」佢望咗我一秒,回答。

「我想問,你玩緊既依個App,叫咩名?」我補充:「好奇問下,我見好似唔係平時玩開既Tinder。」

「呢個App叫Happn,係跟Location去認識同你擦肩而過既人。有Like同埋Charm,Like對方係唔會知的,要咁啱大家都Like咗對方先可以開始對話,而Charm係要買點數,咁人地就會收到你既Notification,Matching既成功機會都會大好多。」毒女解釋得好詳盡。

「聽落吸引過Tinder,起碼Match到既人喺自己身邊既圈子出現。」我話。

「仲會睇到你地喺邊度、撞過幾多次,Link咗Instagram、Fb、Spotify、睇到大家既Common Friend、Like咗D乜野,唔怕無話題,啱晒我呢D內向既同學。」



唔知點解好想裝呢個App,可能會識到樓下毒毒既Stephanie(其實想識咪叫阿Ken介紹或者落樓下兜下囉)。不過,佢都有男朋友,仲點會玩交友App吖。

「即刻裝黎試下先。」毒女微微一笑,繼續食佢既Lunch,我就下載個App同埋注冊帳戶,都幾簡單,三兩分鐘就搞掂可以開始玩。

我Set咗年齡Range要25歲以下,其實係大學區,識到既有八成都係自己學校既人。

「唔知Search唔Search到你呢?」我一路碌電話,一路講。

「。。你啱啱碌過咗啦。」佢話。



「有咩?」我又重新拉到最頂,見到有個Icon無帶眼鏡,叫Maisy既女仔,有少少少少少似佢:「呢個呀?」

佢皺晒眉頭:「係呀。」

我心裡Wtf咗一下,拎住電話Mon對比起佢個樣:「Maisy姐,你呢個唔止假相,直頭係詐騙喎。」

「邊有咁誇,係我無帶眼鏡又化咗妝咋嘛。」如果話江柏琪同Hailey呢類自然美既女仔唔化妝就咁頹Tee沙灘褲已經好靚,咁丁丁、Candice、Michelle同埋我眼前既Maisy一定係後天加工而成,唔打扮既樣。。我無乜點見過。。應該都會扣晒分。

「好啦,見你張Icon咁有心機影,我俾個Like你啦。」我話。其實都唔係特登想識佢想,只係傾開又覺得不彷留個Contact。

「咁係邊個?」Maisy又問。

「你估下啦。」我話。

「一定係距離最近果幾個啦。你係Scholar Lam?」



「係呀,我份人就最均真,Icon係如假包換既真樣黎嫁。」

「算把啦你~」Maisy話:「不過你個名好怪,叫Scholar。」

「我D朋友都會叫我書生。我又要講一個故仔,話說我呀媽希望我讀書好叻可以做到學霸,就幫我改書生同埋Scholar個名囉。」

「咁而家既你係咪學霸?」Maisy聽得津津有味。

「應該有First Hon既。」不過分開試失咗手先入黎City,First Hon算咩學霸呀。

 「嘩,好叻呀你!教下我點讀書啦!」Maisy呢個仰慕我既眼神真係世界級。

「你讀咩科嫁?」



「TQE」

「噢。。我讀E&F嫁,恐怕教唔到你Engine野。咁你識唔識邊個係Wade?」 
 
「奇奇怪怪成個阿叔咁Defer果個?」

 「哈哈哈哈!係呀係呀!」笑死我啦,我今晚一定要瘋狂恥笑阿Wade呢個毒撚。

「原來佢叫Wade。」

「係阿,唔好睇佢成個阿叔咁,佢係一個寂寞既毒撚。」

「Um..」

「即係你係Stephanie既同學?」



「我識佢,不過唔熟。」摺人對摺人,一定唔會識啦。竟然會喺度撞到Wade同Stephaine既同班同學。

「哦,佢兩個同我都係住同一個Hall。Wade成日話Stephanie好靚女,好想識佢。」賣隊友。

「你有無佢電話或者IG?等我Share俾Wade。」

「有呀,不過好似唔係咁好。」

「我唔會篤爆你啦!」

「佢IG無野睇嫁,得佢同男朋友既合照同埋禮物。」Maisy show俾我睇,係Private既,大約有200幾個Follower,咁D相都無乜特別同我喺Ken IG見到既差唔多。

「電話呢?」我再追問。



「你真係咁想要佢電話?」Maisy似乎睇穿我心思。

「唔係呀,我幫Wade八掛下。」我死口唔認。

「咁你叫Wade黎問我,我俾Stephanie電話佢。」點解我好似暗暗地被呢個女仔食住咁既?傾落覺得佢又會玩交友App,都唔係太毒。

「咁好啦~我下次叫Wade黎搵你。」我廢時為咗個電話死纏爛打。

「我夠鐘上堂啦,走先啦。」Maisy執野,準備離開。

「拜拜。再傾啦。」

「好呀。拜拜。」