我同Stephanie日頭用網友既身份Message,夜晚則以Hallmate既身份傾計。

對比起連計都唔洗傾就可以上床既速食文化,我地可以咁樣傾計成個月,對話仲要走甜係近乎神蹟。

分享日常小事,得閒搞下爛Gag玩下Step,偶爾會講下生活上既心事,例如對於我畢業後既發展應該何去何從。

Stephanie試圖旁敲側擊問我既感情史,平時好容易同其他人講既SP、扑野食評我卻總是來一個乾坤大挪移耍走Stephanie。

其他事我都好願意分享俾Stephanie知道,唯獨是呢一部份既黑歷史恕我無辨法太誠實。



我並唔想將自己壞既一面喺自己鐘意既人面前表現。

算唔算呃緊佢?

我諗唔算掛。

至少Stephanie上黎Felix房玩,會成日聽到其他人講我食女既事跡,佢係知道我個底係花的。

如果真係要拍拖,佢都只會接受咗先會同我一齊。



但講到要認真拍拖,十劃都未有一撇;我同Stephanie溝唔溝通唔到、真人相處夾唔夾、佢既背景、佢既真實性格、佢既諗法。。

即使已經密密傾咗成個月Social計,我對佢既瞭解依然好淺,為免重蹈同Michelle太衝動咁一齊中伏既覆轍,我覺得唔需要咁快下定論。

觀察時間愈長,對自己既戀愛成功度更有保障。

我唔係一個原地踏步既人。

為咗瞭解我地適唔適合拍拖,我要主動去突破依個樽頸位置。



我要完結同Stephanie扮網友傾計既關係,所以我相約佢見面。

我:【今晚有無野做呀?】
Sp:【無呀】
我:【今晚陪我去個秘密地方飲野好無?】飲野可以令個氣氛輕鬆D,獨佔兩人相處既時間,唔會受到Hallmate既打擾。
Sp:【秘密地方?】
我:【嗯。我成日去既地方。】
Sp:【好呀。邊度?】今次Stephanie竟然咁順攤應承同我見面。大概佢都覺得呃夠我,想用返真人既關係黎同我相處?
我:【10點係XYZ樓天台花園等】呢一個既夜晚地方人流唔多,夠晒寧願,適合傾心事。
Sp:【OK 不見不散^^】