第二章
 
 
「...咔啦...哈哈!」我比嘈雜嘅電視聲同人聲嘈醒左。
 
「...吖...嗚...!」我伸伸懶腰,拎起左床邊嘅iphone望一望,
原來已經係上午嘅十一點幾啦。
 
今日係星期六,所以唔洗返工,係床度典左幾分鐘之後,我就起身行左出廳啦。
阿妹係廁所梳洗緊,阿媽就將屋企嘅所餘物品清潔,再交比老豆pack箱。


 
等到阿妹梳洗完出離之後,就到我入去廁所洗面刷牙啦。
到我出返離果陣,屋企啲野都已經pack得七七八八。
因為早幾日搬屋公司都已經搬左唔小野走,加上其實有好多舊傢私我地都冇諗住帶走嘅關係,
基本上而家只係淨返四五箱野。
 
「...敬聰,搞掂就落車場揸部車上離屋企樓下啦,
我同你老媽子用手推車慢慢車啲野落樓下等你!」老豆望一望抹緊頭嘅我講。
 
就係咁,抹完頭換好衫褲嘅我,就走左落車場開我部七人車上去我地座樓嘅門口啦。


十分鐘左右,我就揸住我部愛駒,沿住屋邨落貨車路駛到入離,
離遠已經見到阿媽同阿妹坐左喺度看野,而老豆就應該走左返上去搬緊。
 
停好部車,叫左阿媽阿妹上車之後,我就落車開尾門,發揮我專業貨van佬嘅本色,
慢慢將一箱箱野搬上車尾。搬到咁上下,等到老豆將最後一箱野都搬埋上車之後,
我地張家....就正式同(xx邨)講分手啦。
 
開車之後,我心情好興奮,阿妹亦都係一樣,喺車上面不停講新屋啲裝修,
又話用左咩(現代風格)去design喎,老豆就冇乜點講野,但係睇佢嘅表情可以睇得出,
其實佢心入面係非常之咁開心。至於阿媽呢,都係保持住一貫笑容,同阿妹有講有笑咁,


好耐都冇見過一家人可以咁開心,希望財富真係可以為我地帶離歡樂啦。
 
離開左果條永遠都塞車嘅(香港仔隧道),再沿住堅拿道天橋,經(紅隧)、
東九龍走廊、(啟德隧道)上觀塘繞道直產入(將軍澳隧道),
sorry我講得比較詳細,唔好忘記我此終都係一個風度翩翩嘅貨車佬,
所以對於交通資訊係比較敏感。最後我地用左四十分鐘嘅時間,
終於都離到將軍澳啦。
 
雖然依啲大型屋苑嘅入口通常都好四通八達,但係唔熟路或者第一次離嘅話,
真係會兜到你頭都暈埋都未必搵到上屋苑嘅路。不過因為我依兩個星期都離過唔小次,
加上本身揸車送貨嘅路面經驗,好容易我就兜到上屋苑嘅住戶停車場。
因為一個星期前已經租左車位,拍一拍咭就入得去搵個位泊好部車先。
 
落好貨之後,我同老豆就一人推住部手推車行啦。
 


「...喂...邊座呀,唔係好記得。」我問,因為只係離過幾次,
加上果度九萬幾座樓,啲名又似喎,所以都真係搞唔清楚。
 
「...第五a座,皇鑽天呀...阿哥。」阿妹答我,你睇吓...
個名都煩過人,又咩日鑽天,月鑽天咁,睇死人咩!
 
「...皇鑽天...皇鑽天,咦...見到啦。」我一邊推一邊左望右望,終於搵到皇鑽天。
 
老豆攞出一張住戶証泊咭開門,我地所有人入哂大堂等左一陣就有𨋢上樓啦。
我地個單位呢...喺十三樓,b室。係一個三房連套廁單位,雖然佢話係三房咋喎,
但係唔知點解我數離數去都數到有五間房囉,我問老豆佢又話因爲果兩間係工人房所以唔計喎。
大佬工人房唔係房咩?點解唔計呢?佢間工人房基本上同我公屋間睡房嘅size差無幾囉,
如果咁都唔算一間房嘅話,好多公屋都係冇房單位。
 
搬哂啲野入屋之後,我就喺廚房個雪櫃拎左罐啤酒出離,


坐低喺梳化度休息一陣,欣賞一下我嘅依間新屋。
講開又講吖...雖然之前都上過離幾次,但係都冇認真咁睇過依間新屋。
而家坐左喺度望真,間屋嘅裝修真係幾靚,因為本新嘅裝修已經唔差嘅關係,
所以唔洗做啲咩大改動,阿妹只係加左好多現代化嘅設計入去,
成間 屋都銀銀灰灰咁好有金屬feel,個廳四四正正咁非常見洗,
客、飯廳中間有一條長走廊,行入去分別係工人房、廁所、兩間睡房,
到走廊盡頭係一間連套廁嘅主人房。

至於另一間工人房呢,就喺門口側邊嘅廚房入面,唔記得講添,
吹到...連廚房入面間工人房都有獨立廁所架囉...痴線,成間屋加埋總共有成三個廁所,
洗唔洗咁誇呀?咁搞法阿媽洗廁所都洗到手軟啦。
 
坐左一陣,大家都開始整理個人物品啦。因為老豆同阿妹都有份裝修同設計間屋,
所以佢地對間屋都真係瞭如指掌,好快已經將啲野搬緊入房,
而我呢...依家先如夢初醒咁諗緊到底我間房喺邊度。


 
「...喂...老豆,邊間房係我?」我隨手拎起左一箱個人物品問。
 
「...尾房!」而搬緊野嘅老豆望一望我,之後就好有型咁指一指走廊嘅盡頭。

咪住先...尾房咪即係連套廁嘅主人房?
 
「...主人房離架喎,比我?」我呆左咁望住老豆,有啲驚訝咁問,
因為正常主人房都應該留比兩老架啦,點解會無啦啦比我呢?
 
「...係呀!」老豆再一次hea我,語氣好似話我阻住佢搬野咁。
 
「...但係...應該你地兩個訓先啱數喎!」我不厭其煩咁再問多次。
 
「...要行到咁遠咪搞,你後生呀...留返比你行。」老豆繼續佢一貫作風,


講到好不經意咁,但係我feel到佢係因為錫我先留返間主人房比我嘅。
 
恭敬不如從命,講到依度我都無謂再同老豆糾纏落去啦,拿拿臨將啲野搬入房先。
主人房真係好大,一入到去左手邊係獨立浴室,除左浴室之外,
仲有個專屬露台,簡直係一個五星級的家。
 
老豆、阿妹就忙於執拾個人物品,阿媽就負責清潔全屋傢私,分工合作左一個下午,
興奮嘅心情令大家忘記左生理嘅需要,所有野大至都清理得七七八八啦,
我望一望手上嘅電話,原來已經四點幾啦。我同阿妹你眼望我眼,睇離佢都仲未意識到肚餓,
可能喺我起身之前佢地已經食左早餐啦,但係喺依一刻我就真係餓到手軟腳軟啦。
 
「...喂...頂唔順,好q肚餓...暈暈地!」我挨左喺梳化度投哂降咁嘅樣,
做出異常辛苦嘅作狀表情,務求令佢地相信我真係好肚餓。但係收到嘅反應相當冷淡,
老豆無理過我繼續執野,阿妹亦都掛住設計佢間房嘅擺設,只有廿四孝阿媽嘅回覆。
 
 
「...都執得七七八八啦,阿仔你自己落街食啲野先啦。」阿媽講,
語調中聽得出佢想陪我食野,無奈老豆冇想食野嘅意識,
一向聽話嘅阿媽又點敢輕舉妄動吖。
 
睇個勢佢地幾個應該喺我訓醒之前食左早餐,
如果唔係冇理由成四點幾都話唔肚餓嘅。
冇人落我就唯有自己一個走左落街啦。出門口一入𨋢,撳個制就落到商場,
以後打風落雨足不出戶都真係可以滿足哂衣食住行呀。
 
個商場好似叫咩(popwalk),都係果啲典型大到無論果啲商場,想食咩都有。
但係有時太多選擇又衍生左第二啲問題出離喎。
我企左喺商場水牌度睇左成個字都諗唔到食咩好,樣樣都好似好好味咁都真係好難揀,
就喺我最迷茫嘅時候,指引突然間出現。
 
「...食(麻布茶房)啦!」從後傳離一把熟悉嘅少女聲音,我未反應到回頭,
就有個人雙手搭住我膊頭撲左埋離,嚇到我即時大動作轉身,手臂仲唔小心撞到落佢嘅胸部,
柔軟而且豐滿嘅上圍,就好似汽車避震咁將我手臂嘅力量卸開,果種感覺好舒服,
而依個向我施襲嘅人,竟然係恩敏。
 
「...hehe...哈哈!」思敏依家對住我放聲大笑,
唔知仲以為佢吸左毒離,好似痴左線咁。
 
「...吓...係你!」我呆左咁望住思敏,可能比佢頭先大膽嘅行為嚇嚫啦,
依家都唔知比咩反應佢好。
 
「...hehe做咩呆哂呀聰哥,嚇嚫你牙!」思敏繼續保持住笑容,好興奮咁對住我講。
大佬無啦啦有個人喺你後面撲埋離喎,係人都驚啦。
 
「...er...有啲啦,係呢...咁啱呀...咁都撞到!」回過神後,都係講啲例牌嘅廢話啦,
講真我都真係唔識點同女仔溝通,每次對住異性個腦就會一片空白都唔知講咩好。
 
「...我住將軍澳架,緊係喺度啦。早幾日都聽過文蔚話會搬過離將軍澳架啦,
估唔到咁都撞到聰哥你,哈哈...睇離我地幾有緣喎!」思敏字裡行間,
好似有啲野想暗示咁,但係又修飾得好好,聽起上離唔會有唔舒服嘅感覺。
 
「...係囉,今日先搬過離之嘛!周圍都唔係咁熟...哈哈!」我尷尬回應。
 
「...哦...咁等我盡地主之誼,帶你周圍行下啦。」就係咁,思敏就帶左我去食下午茶,
佢介紹果間唔知咩茶房又真係幾好食喎,幾十蚊個餐,性價比真係冇得輸。
因為價錢唔貴,食完之後我順理成章請埋思敏啦,我唔知佢係做作定係真啦,
主動話要比返錢我,但係我話叫佢下次先請返我果陣,佢又好開心咁話「咁下次我地再食過啦)咁。
  
比完錢我地繼續坐左喺度,慢慢hea多一陣。因為我地兩個係對住坐嘅關係,
所以我開始留意到思敏。依家望真啲思敏個樣,一把長長嘅黑色秀髮,
帶左大眼仔所以對眼望落都幾大,個鼻呢都幾高,但係唔算細,加埋個櫻桃小嘴,
成個樣嘅比例,又配合得出奇地好喎,都係果句啦,就算唔係絕色美女,
都算係個可愛小美人,雖然係矮啲,但係加埋佢望落接近34d嘅上圍,
身形成個阿gem咁,可惜唔係我鍾意果個類型吖。
已有 0 人追稿