《時光機》現已出版,網店發售
實體書購買︰https://morningrays.boutir.com/
Patreon訂閱初稿連特別篇︰http://bit.ly/39Ab0N3
 
.作者FB︰http://bit.ly/2jHymHF
.作者IG︰http://bit.ly/2rxGoFA
 
///////////




不見一段日子,阿堅看起來比之前更精神奕奕。
我腦中幻想著他來跟我算帳,說我背叛兄弟繼而開片的情景,四肢僵硬地走到櫃位旁邊︰
「你……你嚟咗呀……」
「咦?阿翔,乜你面色咁青嘅?」
「冇事!我、我唔夠瞓之嘛……呀,你係咪嚟買嘢食?」
我匆匆幫阿堅下單,想他買完之後快點走。結果他拿了食物,又走到我們以前溫書的那張桌上坐著吃。

我遙遙看著他的背影,越來越心虛。
他一定有後著!


雖然我曾幻想過跟他談判華小姐的事,沒想到他竟先下手為強,殺我一個措手不及!

經理察覺到我一直看著阿堅,誤會了我想跟他聊天,便輕拍我的肩把我趕出去。
我不斷澄清自己熱愛工作,但她卻完全不理我的意願,還說工作交給她就好。
算了,遲也是死早也是死,擇日不如撞日吧!
我深深吸一口氣,往阿堅走去。

.

我在阿堅對面就座︰


「喂,你嚟搵我?」
阿堅笑得純真︰
「我悶呀嘛,差唔多兩星期無見過你,咪嚟睇下你點。你真係忙到無假放?」
「有,不過……返工之後,成日都好攰唔想出街,有時寧願喺屋企瞓下覺、打下機咁……」

我一邊說謊一邊觀察阿堅的表情,他沒有絲毫懷疑,還笑得很燦爛︰
「咁你不如叫埋我,下次一齊打機啦!」
「好、好呀……下、下次啦……」
說著,冷汗已經流到背脊。

這是口蜜腹劍嗎?為了引蛇出洞,所以裝無知等我露出破綻?
他對我太了解,我覺得自己每一個微表情都會把我的心意暴露給他。為此,我極其小心地控制自己的表情,確保眉毛、眼角、法令紋動都不要動,不可以透露任何端倪。

「阿翔,你係咪有咩想同我講?」
我全身一震︰


「做、做乜突然……突然咁問嘅?」
「你個表情好似有嘢想講咁。」

他搶先出招,我唯有全力應付︰
「唔、唔……係有嘅,但……唉,好喇好喇,我問喇!你同華小姐最近點?」
阿堅臉一紅︰
「……哦……我哋……都無咩點啊……上次去完主題公園之後,就……」
「就?」
我心中暗猜上次之後他就沒再見過華小姐,沒想到他摸摸後腦,一臉不好意思︰
「去過幾次街咁囉……哈,應該算係幾順利卦。」

我的嘴O了起來,情不自禁︰
「……吓?居然……」
「做咩啊你個表情?唔好笑我啦。」
阿堅居然害羞起來了,跟我剛才想的腥風血雨完全兩回事,反而更像少女漫畫的表情!


我有點不知所措,良久才平復心情,問︰
「你哋去幾次街……去邊度?」

「無啊……你都知我份人悶,邊諗到咁多得意嘢玩。但又諗下佢咁中意睇書,咪試下約佢去圖書館呀、書局呀、二手樓上書店呀嗰啲,好彩佢都幾中意呢啲地方咋!佢真係好中意書!」
阿堅說得高興,我聽著卻如墜冰河。他沒察覺我的心情,只是害臊地翻著手上的書,似在逃避我的眼神。
這時我才留意到他手上的英文書,那個封面看起來相當熟悉……不就是我送華小姐回家那天她在看的小說麼!
我的HP被扣掉了78%!

我在心中吐了幾口血,指著那本書︰
「呢本書……你……」
「哈,係呀,我都估唔到自己會睇小說。華同學話好好睇,我咪試下睇囉,點知又真係幾容易睇。我諗住睇多啲佢中意嘅嘢,就有機會了解佢多啲,又可以多啲話題,你教我架嘛。」
「……係呀,我講嘅,我記得……」

「阿翔你真係講得好啱,我越係了解佢,越容易搵到嘢同佢講。我而家諗住再叫佢推介多幾本量子力學嘅書畀我睇添,希望睇得明啦,哈哈。」
他越說越開心,完全沒留意到我臉上那團黑氣。我沉吟良久,問︰


「係呢,咁……你,你有無送佢返屋企呀?」
「梗係有啦!你唔使提我喎,呢樣嘢我識做嘅!」

「咁佢……佢無拒絕你?」
「開頭佢有話唔好嘅,但我堅持話送,佢又好似幾開心咁。而家都送咗兩、三次,我諗佢都唔會再拒絕,下次我諗住試下接佢一齊出街,你話好唔好?」
「……梗……梗好啦……」
說出違心的話,我的HP再被扣掉了20%!

身心受創的我隨便找了個藉口,就躲回廚房裡。
我一直以為自己是隻兔子,這一刻才驚覺,原來烏龜也跑得這麼快。
我以為華小姐對阿堅沒興趣,以為自己有優勢,倒頭來只是我的妄想嗎?
——在她心中,我真的是特別的一個嗎?

.



這個問題,連同那天晚上的回憶一起纏繞著我的思緒,久久不散。
回到家第一件事,我就打開MSN等華小姐上來。
以前一直覺得她每一秒都待在電腦前,寸步不離,似乎果然是我的幻想。我一直等到九點,asd34567才不慌不忙地登入。

我猛點她的名字打開對話匣,震了她兩次,緊接著問︰
「你出咗街呀?」
她的狗熊舉起手打了個招呼︰
「嗯,去了圖書館啊」

一見到圖書館這三個字,我就想起阿堅的話,開始懷疑起她來︰
「圖書館點會開到咁夜呀?」
「嗯?關門之後回家吃飯啊,吃完就上來了。怎麼了?你在等我嗎?」
狗熊怪笑起來,她本意應是開玩笑,我卻看得眼裡冒火。

「係,我有樣嘢想問下你,你要老實答我」
「嗯嗯,你說」
隔著電腦的她感受不到我的情緒,完全沒有緊張感。我深深吸一口氣,用力敲下︰
「你最近有冇見過阿堅?」

華小姐過了大概一分鐘才回答,完全不像她平常的速度︰
「哦,原來你想問這個……是有見過一兩次那樣,但你不要誤會啊」
「誤會乜嘢呢?見過就係見過,冇見過就係冇見過,有乜可以誤會?」
「好吧,你這樣說……的確是見過」

我的心痛了起來,瞬間在鍵盤上打了一大堆問句,像是︰
你不是說以為我去主題公園才會去嗎?
你不是不想跟阿堅單獨相處嗎?
你跟他出去了,為什麼要暪著我?



 


/////


《時光機》現已出版,網店發售
實體書購買︰https://morningrays.boutir.com/
Patreon訂閱初稿連特別篇︰http://bit.ly/39Ab0N3
 
*【時光機】由作者自資出版,外邊書店沒得買
你購書支持,將令我不必再苦練光合作用維生~衷心感謝
 
.作者FB︰http://bit.ly/2jHymHF
.作者IG︰http://bit.ly/2rxGoFA
已有 0 人追稿