✏️(結局篇已出書)陪朋友去自修室追女神，點知女神鍾意咗我【自修室】【補習社】【時光機】網店有售: 補習社篇 #16

這個白痴，總不會找Abby來陪她吧？
我煞停腳步，只聽Michelle的聲音傳上山坡，異常清晰︰
「Abby，你……點解喺度嘅？」
Abby笑了，表情卻令人不寒而慄︰
「你尋晚突然叫我自己去補習社，我覺得古怪，咪早少少嚟睇下咩事囉～你梗係唔想我跟住嚟啦～阿Mi，你約咗邊個呀？」

「喂，阿Bi，佢約咗我咋！」
我突然想到化解這場危機的方法，邊說邊向下跑；但樓梯才跑到一半，已聽到Michelle說︰
「嗯……我同阿堅有少少嘢傾。」
Abby臉色一沉，古怪的笑容僵住︰


「……你都幾卑鄙。」

...................................................................................
.《自修室》小說2017年12月已登錄各大書店
. 全新特別篇及修改內容
.
....................................................................................

Michelle這才懂得事態有多失控，緊張地拉住Abby的手︰
「等陣先，阿Bi，你係咪誤會咗啲咩？我只係想同佢講清楚，我冇諗住……」


Abby掙脫她的手︰
「想呃邊個呀？嗰封信擺明係表白啦，如果你冇意思嘅，你唔嚟咪得囉！你嚟咗，再同佢講『哎呀～我暫時唔想拍拖住～我想考埋試入大學先～』呢樣嗰樣，咪即係收人哋做兵囉！娘娘！」

Michelle愕然︰
「你……睇過封信？」
Abby下意識捂住嘴，卻還是不服輸︰
「係、係呀，我係偷睇呀！我唔睇又點知你一直呃我喎！」

.



這局面真是地獄啊……
就算我現在跑過去以局外人身份跟Abby解釋一切，恐怕Abby只會覺得我偏幫，甚至認定我也是被娘娘收服的兵仔。
那樣的話，她只會更氣Michelle吧？
我嘆了一口氣側身躲入山坡的樹後，並打電話給阿堅想拖慢他的腳步，偏偏他的電話卻一直響沒人接。

只見Michelle也有點生氣︰
「你點可以睇人哋啲嘢架……」
「你唔好轉移話題喎！而家係講緊你……你平時收埋啲兵都算啦，點解我一早同你講咗我、我……點解你咁仲要同我爭喎！中三嗰次又係咁，今次又係咁！」

「我、我都冇同你爭過……中三咩事？我真係唔記得啦……」
「你梗係唔記得啦，但我記得好清楚！你話危險又呢樣嗰樣，死都要陪我去見Kevin，然後去到又對住人係咁放電喎！最後人哋全程望實你，冇望過我一眼囉！你贏咗啦！你好開心啦～？」

Michelle一副快哭出來的表情︰
「你講你MSN識嗰個英知仔？咁耐之前嘅事，我連佢咩樣都唔記得……」
Abby深深吸一口氣︰


「我係講緊，你咁多年嚟都冇變過呀！我第一日已經同你講我中意阿堅啦，你知架……你知架喎！點解仲要接近佢啫？好啦到我認阿翔做契哥，你又跟住要認佢做契哥喎，你究竟想點啫？係呀，你係生得靚，你又聰明，你叻啦！咁都唔使要全世界嘅仔都中意你架？」

「……我冇……我……」
Abby每說一句，Michelle就搖一次頭，等到Abby說完Michelle準備開口時，觀景台上突然響起音樂聲︰
「Fly me to the moon—— and let me play among the stars——」
糟糕！這不是阿堅的電話鈴聲嗎？
我心中一駭，連忙切斷正撥給阿堅的電話。

.

音樂聲果然隨即中斷，兩女卻早已被聲音吸引視線，望向樓梯那邊。
就在她們的注目中，男主角阿堅一邊翻著書包找電話，一邊狼狽地登上觀景台。跟兩個女生視線相遇的一刻，他明顯一愕︰
「Abby……？」

Abby來回望了望阿堅和Michelle，臉頰和眼眶唰地通紅。


只見她抿住嘴，扯下手上一條黑色手繩扔在地上，再轉身推開阿堅就跑下樓梯。
看見這詭異的狀態阿堅還想叫住她，幸好最後沒開口，只是默然走向Michelle身邊。
Michelle卻似是沒看見他，彎身拾起地上那條手帶，一個勁地擦拭著。

阿堅搔搔頭，似乎有點不知所措。
他等了半分鐘後看Michelle還沒反應，才硬著頭皮、堆起尷尬的笑臉︰
「Michelle，頭先……Abby佢……」

「啪！」
一句話沒說完，他的左臉就吃了火辣辣的一掌。
也不知Michelle用了多大力氣，那巴掌的聲音在山坡久久迴盪，遼亮到我聽著都覺得痛。

「一日……一日最衰都係你！我憎死你呀！」
Michelle丟下這句話，便推開阿堅「吧躂吧躂」地跑下樓梯。
轉眼間只剩阿堅獨自站在觀景台上，掩著臉頰茫然看著Michelle遠去的背影。朝陽把他的臉照出重重陰影，更顯得他異常孤獨。



看到阿堅就覺得慘，根本不知道發生了什麼事，卻承受著那兩個女孩200%的怨氣……
我有一刻想要安慰他，但想想這時走出去，只怕他覺得我取笑他，然後那怨氣就會轉移到我身上。
還是等事情丟淡一點再說吧。
想著，我沿著山坡走向另一道樓梯，向著兩女離開的方向追去。

.

我跑了沒多久，就在上次簽約的攀攀架上發現Michelle。
她坐在攀攀架的最上層，一雙纖細的小腿掛在半空中搖晃。
我找到一個可避開掌擊的安全位置爬上去，Michelle察覺到來人是我，慌忙用雙手拭走淚水，瞪著我︰
「你……你做乜喺度嘅？」

通紅的雙眼明確地告訴我，她剛才哭得有多厲害。我故意裝作視而不見︰
「嚟睇下你同阿堅傾成點呀嘛。」


她避開我的視線︰
「我……我打咗佢一巴……」

「哇！我以為你只係對我暴力啫……你再咁倀雞呢，因住第時冇人要呀。」
我誇張地開玩笑，她卻只是嘆了一口氣，仰頭望天︰
「冇人要咪仲好，唔使煩。」
「做乜呀？阿堅畀你冚完仲纏住你咩？」

她搖搖頭，祈禱似地看著手上那條黑色手帶良久，才緩緩說︰
「阿Bi要同我絕交……」
「吓？佢有咁講咩？」
話已出口才發現自己說得太多，幸好Michelle並未察覺︰
「佢冇講呢兩個字，但就係呢個意思囉……」

.

這時我才注意到Michelle的左手手腕上也有一模一樣的黑色皮製手帶，手帶上串著半個心型，跟Abby那條合起來正是一個完整的心。
一直看著這個裂開的心，Michelle才會如此失魂落魄吧。
看見她這模樣，我就想起去年的自己。

跟好朋友決裂那種痛，絕對不會比分手來得輕鬆。
想跟對方和好卻得不到原諒的感覺，每日被對方當透明人的難受，跟失戀也不遑多讓。
只不過是歌頌失戀的流行曲多，叙述逝去友情的作品少，這種痛才會一直被人忽視吧。
偏偏，我就是一個同是天涯淪落人。

.

分不清是同情還是憐憫，我輕拍Michelle的肩膀︰
「我明……放心啦，冇事嘅，你哋friend咗咁耐，一定會好返嘅。」
她卻一把撥開我的手，怒道︰
「你根本就唔明！佢……佢覺得我發姣周圍收兵，仲要係同好朋友爭……喺女仔嘅世界，呢啲全部係死罪嚟……佢、佢仲點會肯原諒我喎……！」
說著，豆大的眼淚沿著臉頰滾滾而下。

我慌了手腳，連忙扭轉身體翻書包找紙巾。
剛掏出紙巾準備遞給她，她突然把臉埋在我胸前，眼淚鼻涕紛紛擦到我的毛衣上。



.
by又曦
like Page追看最新章節︰http://bit.ly/2jHymHF