我只不過喺自修室溫書，點知比我遇番佢。: <廿七>忘了愛

「呼，好彩趕得切姐。」一入到課室就打起鐘。

「早晨啊咁多位！」

「點呀楓哥，乜咁風騷啊？」阿星問。

「肯定係搞點咗個自修室妹啦。」阿豪講。

「痴線啦，friend黎炸。你都唔知我尋日幾...」我突然望到小霖，都係唔講咁多，費時俾佢鬧。



「幾咩呀？」

「幾...勁呀。竟然搞掂咗啲3D喎！」

「車！」佢地一見冇花生食就散曬。 你地睇下人類係幾咁現實。

我對住小霖好尷尬咁傻笑，佢回我一個無奈嘅微笑。

「係咩，咁勁呀？搞點咗3D添呀？咁冇野難到你啦喎」阿王入到黎課室就講。



我突然有啲極之極之不祥嘅預感...

「既然係咁，為咗應付大考，下星期一測驗，內容係今年教過嘅範圍！比足一個禮拜時間你地溫，比心機啦。」

Fuck...!

「阿郭sir啊，你可唔可以轉一轉身對住黑板？」阿星問。

「噢，好呀。」點解呢個人一啲戒心都冇= =佢地擺明要...



係咪衰呢阿王你，引起公憤啦

咦咪住，點解佢地全部都係「嗱」我架？！

「費子楓你真係當我傻架，啦各位同學我頭先咩都睇唔到，你地見證架。」 阿王你好野！
 
小息果陣，阿豪突然好心急咁衝入黎講。

「大件事，大件事！阿晴好似同個男仔一齊咗，仲要係C班果個阿Roy!」

我地不期然將個目光轉移到去阿言到。

「關我咩事，佢有啲新生活都好正常。」阿言好冷淡咁講。

「但係你明明仲...」小霖講。



「過去的就讓它過去 曾經畢竟只是曾經。」

妖，扮咩忘了愛姐。

「總之佢嘅野唔再關我事，我地都唔好理人咁多。」之後佢就借啲意走開咗。

「唉，真係可惜。」我感歎。

「你同天蕊可惜啲～」佢地異口同聲咁講。

「你班契弟呀！」

放學我地去咗星矢吧，點知爭啲攤上大事..