收到小涼嘅來電我就即刻去咗搵佢,去到醫院就見到佢自己一個一直喺到喊。

「小涼!」

佢一見到我就沖咗過黎,伏咗喺我膊頭喊。

「細佬佢發高燒..發咗好耐都未退,爹地媽咪又去咗公幹,而家先趕緊番黎。我好驚呀,我唔知點算,果刻我淨係諗起你炸!」

「嚇死我啦,你喺電話講到唔清唔楚,我以為你有咩事。」



我去緊醫院果陣,我一路都好驚,我好驚又係好似上次天蕊嘅來電咁。

不過後來諗諗下係小涼自己打黎先冇咁驚。

「死啦,細佬會唔會有咩事架?」

「冇事嘅,醫生會醫好佢架啦,打支退燒針應該冇野架啦。」

「最衰都係我啦,佢係咁推我去翻學,我應該係屋企照顧佢。」



小涼細佬係個中二生,呢個時期話大唔大,話細唔細,又真係好易忽略嘅。

「你冷靜啲啦,有我喺到我會陪住你架啦。你餓唔餓呀?我買啲野俾你食啦。」

「我冇咩胃口。」

「冇胃口都食啲啦,唔食野點撐落去?」

之後我就去咗canteen買咗兜粥,順便打俾阿媽同佢講唔翻去食。不過我冇講我喺醫院,廢時佢擔心。



「你買咗一兜炸?你唔洗食咩?」

「你話冇胃口,我驚你食唔曬成兜咪兩份囉。」

「攣大口呀,我餵你啦。」佢隊咗一羹埋黎,我呆咗呆,之後就食咗。


「你食完先俾我啦。」

「我驚你都肚餓加麻。」

「傻妹。」佢唔巴渣果陣的確好好嘅。

呢個時候,醫生都出黎了。



「醫生,我細佬點呀?」小涼一見到醫生出黎就即刻問。

「佢頭先一直都係高燒狀態,我地幫佢打咗枝退燒針之後慢慢就退緊燒,不過今晚都要留一晚院。」

「喇,冇事啦。」

「嗯,好彩姐,」

「小涼!」

有一男一女行過黎,應該係小涼父母。

佢爸爸高高大大,俾人一種好威嚴但係又好可靠嘅感覺。
而佢阿媽著得好雍容華貴,同我屋企果件個感覺完全唔同。



雖然我同小涼係住同一個屋苑,但係就好似兩個世界咁。

佢地望住我,我循例都同佢地打聲招呼。

「世伯,伯母。」

「佢係我朋友阿楓呀,好彩有佢喺到炸,唔係我一個都唔知點算。」

佢地黎咗代表我可以功成身退。

「咁我走先啦世伯伯母,我仲要翻去溫書。」

「好,唔該曬!」小涼爸爸伸隻手出黎同我握手。

「唔麻煩。」



翻到去我都冇落到自修室,橫掂今日先搞掂個test,翻去沖完涼瞓覺仲好。

「你翻到屋企啦?」臨瞓前收到小涼whatsapp。

「翻咗好耐啦,準備瞓啦,你呢?」

「爸爸車緊我地翻去呀,就到啦。」

「今日唔該曬呀!」

「唔洗客氣啦,我都冇做啲咩。」

Send完之後我就瞓著咗,仲瞓得好腍。



小涼
「有你喺我身邊就夠啦。」01:30