我只不過喺自修室溫書，點知比我遇番佢。: <六十>尋回記憶的旅程(三)

第二日，我地就去咗搵啲巴士站去安平老街。台南啲巴士真係…少得可憐。
 
「有車未啊…」子妮喺到呻，都啱嘅，因為真係好熱。
 
「等多陣啦..應該就快有。」阿星講。
 
等咗10分鐘左右終於都有車，我地就立刻上車消暑。
 
「飲唔飲水啊？」小霖遞咗個水樽埋黎。
 


「下..哦好啊唔該。」
 
由我地上車嘅地方去到目的地都要搭成個鐘車，我就喺到玩電話，同小涼whatsapp下咁，小霖就坐坐下恰著咗。
 
我費時佢瞓到跌落地，所以將佢個頭挨喺我肩膀再按住佢個頭。估唔到佢瞓教嘅樣仲更加迷人，真係成個睡公主咁。
 
因為驚佢跌嘅關係，我一直唔敢瞓教，但係後來真係唔太頂得順，卒之都係瞓咗，佢挨住我，我又挨住咗佢。
 
無意間我好似聽到「咔」一聲，仲好似有人講：「如果永遠係咁就好..」
 


可能發夢姐，所以之後都冇理到就繼續瞓。
 
瞓到咁上下，小霖先拍醒我：「到啦！」
 
我地落車之後都要伸一伸懶腰，因為實在太攰啦。
 
我地入到去安平區，見到檔賣芒果冰嘅，佢地狗衝曬去買。
 
我喺果到買咗杯波霸可樂，估唔到珍珠加可樂都幾正，飲落口真係超爽！
 


 
「你試下啲芒果冰啊！」
 
我飲咗啖，果然正喎，啲芒果超新鮮，香港絕對係飲唔到，即使自己榨。
 
之後我地就行咗入個公園參觀，果到有啲似九龍寨城，有好多打仗果陣嘅嘢睇，雖然唔知係真蹟定係咩。
 
去到塔頂層就可以望到台南嘅風景，有種大地在我腳下嘅氣勢，我都不禁影多幾張相。
 
之後我地就行下條老街，成個感覺其實都幾似廟街，好多古靈精怪嘢賣，
小霖成個大細路咁周圍行，周圍拎起人啲嘢黎玩。
 
「咁興奮嘅你？」我問佢。
 
「我好少出黎行呢啲街啊麻，好少見到呢啲古靈精怪嘢。」


 
所以其實小霖根本唔係啲咩冰山美人，其實佢內心都係好有童真，好熱情，只係用冷酷嘅面孔遮掩自己。
 
「喂阿楓，你睇下，呢個好似你！」阿月指住廟出面個扮孫悟空嘅人。
 
「屌你啦，似你啊！」
 
「真係好似喎，成日跳跳扎咁。」阿言講。
 
連阿言都咁講....
 
「行完未啊？行完就搭番車出去啦，我地今晚打邊爐！」阿晴講。
 
「好啊屌，我等咗呢日好耐！」阿星好雀躍。
 


然後我地就搭番去市區，去咗間麻辣火鍋鋪食，果到啲野食好多豐富過同新鮮過香港好多任食火鍋。
 
都唔明點解香港咩都比唔上台灣。
 
果餐我地都食得好飽好滿足，我肯定間鋪頭倒蝕番俾我地。
 
食完之後我地就番咗民宿，反而番咗民宿先係我最驚心動魄嘅時候..