我係老蘭做清潔的，點知變左party Queen: 61
61
對於眼前重新出現的Avis , Alan 半喜半驚。Avis 仍然美麗動人，衣著變得時尚有女人味，但看著Alan 的目光變得冷漠空洞。Alan 看得一絲心寒。
「同你介紹！ 我新請助手，Avis。你知la ！ 得阿Sam 一個邊做得咁多野」Sindy 面帶得戚指著身後如影子的Sam地說
「Avis ! 我搵左你好耐！ 點解！ 點解你會同佢地一齊！你聽我講！ 佢地痴線！ 佢地唔係咩好人來！」
「楊生，我諗我真係唔識分咩係好人咩係壞人。不過最近有個人教識我好多！ 我諗唔需要你擔心」 Avis 用官腔式微笑回應著
「Avis! 你聽我⋯ 」
這時Sindy 靠近Alan 耳邊，悄悄地說：
「我勸你都係冷靜d 先，你仲想係其他人面前輸落去，我無所謂。不過呢場遊戲就唔好玩！」
「你⋯ 好！ 跟我來！ 就睇下你玩咩！」
Alan 眼見眾人一副看戲的眼睛就知道此刻不能發難。他領著眾人去到貴賓室，打算探清楚到底是什麼一回事！ 這時劉教授打斷他們行程。
「傾生意就唔岩我地兩公婆～ 我地來係想開心返晚～ 我地去玩先咁多位～ Alan 呀! 一陣傾完有心情就來搵我地兩公婆聚下。我地好耐無見～ 」
「simple ! 麻煩你幫我睇住Doc 劉佢地。 」Sindy 下命令道
「收到」
Sindy 這番指示，明顯不給Alan 面子。縱然simple 背叛了Alan , 但名義上仍是Alan 的人。這番喧賓奪主的命令，就是想更刺激Alan 情緒。
Alan 強忍怒火，領著Sindy 一行人走。當進入貴賓室後，Sindy 女皇般坐在梳化中央，身後站著Avis 及Sam。
Alan 搶先發難並捉緊Avis手臂說
「佢地到底對你做過咩！ Avis 你係唔係有咩苦衷？ Avis 你聽我講！ 好唔好！ 」
Avis 決絕地鬆開Alan 的手。
「請你尊重點！楊生」
「Avis ， 不如你出去玩！ 有阿Sam 陪我就夠。」
「知道，Sindy 姐。 」
「出去！ 唔得！ Avis 你唔可以出去！ 出面班人⋯ 」
「停手！ 你聽唔到主人見Avis 小姐出去嗎？ 」一直無語的Sam 出手截停Alan
「走開！ 跟尾狗！ 幾時到你講野！ 」
Sam 怒目對視著Alan , Sindy 漫不經心地走在兩人中間。
「好！唔好嘈！ 你地兩個都係我重要既男人。唔好係我面前嘈。Avis 你都係出去一下，識下新朋友。」
「Avis...唔好⋯」
Alan 話未說完，Avis 已頭也不回地離開。看著那陌生的背景，Alan 竟說不任何挽留的說話。
「賤人！ 你到底想點！ 」Alan 對著Sindy 怒吼!
「想點？ 同你傾生意姐，我要正式入股你間會所，呢到500萬支票！ 買你4成股份。我好厚道，留返個大股東你做。」
「收聲！ 你覺得我會順你意同信你嗎？ 你會為左一間小小會所做咁多野？ 呢到係我地方！我唔賣！ 」
「係嗎！ 你睇呢份野先？再考慮下！」
Sindy 把一份文件掉到Alan面前。Alan疑惑地拿起那份合同,面色一沈⋯
「點解Avis 會係間外國基金公司既ceo ! 你到底想玩咩！ 」
Sindy 緩緩上前把貴賓室的大門推開並轉身環抱著Alan。 sindy 輕輕把Alan 的頭轉向Avis 並在耳邊嬌豔地說。
「你睇！ Avis 呢個女仔係唔錯，學野又快。你睇佢幾受男人歡迎？」
只見Avis被幾個男會員圍著，個個談笑風生，Avis 對著他們竟對答如流，一點都不像當初的清潔工。每個男人看著Avis 的眼光都流露出不同的慾望。有的單純只想一親香澤，有的知道她是Sindy 助手想攀龍附鳳，看在Alan 眼中，如綿羊被狼群圍堵一樣。他恨不得上前把她拉走。
Sindy 再吹氣向Alan 耳邊：
「不過幾好既女仔都無用，隨時可能坐監。」
「你到底講咩？做過咩來？ 」
「我只係提拔佢學下投資，簽下文件。個傻妹傻下傻下，做左我間外國空殼投資公司負責人都唔知。一直以來都用來洗白返d 錢，如果我將d 資料交俾警察，你估會點？」
「我唔會俾你傷害佢！ 你到底要咩！ 我地恩怨唔需要傷害其他人！ 」
「呢個就係你亂對我出手代價！ 你明知我同你老豆關係仲要觸碰我痛處。你老豆欠我！ 你地一家欠我！ 我要10倍償還！ 你所有所有我都要破壞搶走！ 」
Alan 怒火攻心，揮拳打向Sindy ,這時Sam 出手阻止卻反手一記上勾拳，把Alan 打倒在地上。Alan 眼冒金星，想動也不能動。
「Sam! 冷靜點！ 睇來今日唔可以再玩落去。不過你最好日後聽聽話話，我會考慮放過佢！ 」
Sindy 轉身離開，在離開會所前，她向眾會員宣布她邀請所有人參加她的遊艇派對！ 眾人都為之歡呼！她帶領著Avis 及Sam 瀟灑地離開。地上的Alan 絕望地倒在地上絕泣起來。