我望住漫澄,唔知點解,覺得佢有一種神秘感,令我對佢充滿好奇。

「琴日嘅信呢,我已經睇曬啦,不過呢,有一位同學嘅表白呢,文筆唔係話好出眾,但勝在感情真摯。」

「你哋覺得我應唔應該俾大家睇下呢?」家姐佢有意無意咁望住我。

碌柒!

全班鴉雀無聲,因為個個都唔知嗰個係咪自己,特別係女仔。



但過咗一陣,有幾個男仔話「好!」

男仔的確係要大膽啲,膽大細心就最好啦。

「就算你哋話唔好,我都會公開嘅。」家姐......唔係,係Miss Tai拎起支粉筆,係黑白寫起上嚟。

佢手執一張紙,一邊寫一邊睇,可惜我睇唔清楚佢張紙係咪我嘅。

我發現我真的喜歡你了!



我們在附近,可是我要走近你,卻要花上許多心力跟時間,總感覺我越是走近,距離感就越拉越大。

我一直都在注視著你,幼稚地想在背後默默地守護你,因為我沒有勇氣去坦白自己的心意。

你不難發現我,只要你用心地留意,我就係你身旁。

我當然想你會喜歡我,可是我怕,怕我接近你,然後沒有如自己期望發展下去。

同時,我期盼著你可以把我找出來,然後跟我說,你找到我了。




短短的幾行字,我已經知道,家姐係黑板寫緊嘅嘢,係我諗住寫俾漫澄嘅嘢。

痴線,真係俾我估中咗,佢真係同我搞啲咁嘅嘢。

我低頭,尷尷尬尬咁斜望漫澄,佢稍稍放鬆咗落嚟。

我懷著唔敢望佢,又忍唔住偷望佢嘅心情,好矛盾。

望?唔好望!望下姐。

結果我係偷望咗。