22.最後的二人


「凌愛瞳,對唔住」





「啊!!!!!」




滿頭汗水既瞳瞳從睡中醒來



「我....」

瞳瞳望住自己既雙手,再環顧四方



係一間簡陋既酒店房間




「我...唔係死左啦咩...」

瞳瞳努力回想起昨晚,自己被林聰射中後,開始失去意識

自己最後望見既,係希路





「凌愛瞳...」

希路不知不覺地響房間出現

「你...醒左啦」


此時既希路,精神似乎有點衰弱



「呢度係...」



「市內既一間賓館」



「希...路先生...你...」

瞳瞳一時支吾以對:「我..明明..中左槍」



「係...當時你係比林聰射左槍」






「咁我...唔通.......希路先生你...」

瞳瞳彷似想得到原因



「無錯,我為左救你」

希路似有猶疑,道



「我將你變成左,我既眷屬」






「就好似...友美小姐咁...呀?」


「嗯....」

希路點起煙:「你從今日起,會得到一半既吸血鬼能力,包括超快速既反應、五官感應」

「唯一既壞處就係,我死,你都會死」


「......」




「不過呢一層你唔駛擔心,我諗我都有能力保護自己既」




「我唔係擔心呢啲...」

瞳瞳低住頭:「我只係擔心...我會浪費左希路先生你既一片苦心」

「就算得到吸血鬼既能力,我可能都係一樣...咁弱」

「我...遲早都會連累到希路先生你....」


「凌愛瞳...」

希路走到瞳瞳面前:「點解你會覺得自己係我既負累?」

「你係我既同伴,我唔救你...救邊個?」


「希路先生...」


「而且....友美死前我應承左佢,會好好保護你」

希路平靜道:「但我依然比你受傷,就證明...我先係弱者...」


「所以....凌愛瞳你唔好再咁自卑」




「係.....」

瞳瞳問:「咁依家我地下一步...應該點做呀?」


「響尋晚,殺左林聰之後,迪拉斯就已經開始行動」

希路似乎有點難言之隱

「佢地...將達斯既所有網絡切斷,仲干擾哂所有既衛星通訊,所以我地唔可以聯絡到IID任何一個分部」



「而且..佢地應該會派人黎..追殺我地,目的好明顯」

希路展現手上既Archangel:「將Archangel搶到手」


「我地依家既下一步,就係前往塔盧坎山莊」

希路翻開地圖:「佢位於阿富汗邊境既古城,果度有一個訊號發射站」


「我地就係用佢...聯絡返IID黎救我地...」


「無錯...」希路用鉛筆畫住路線:「不過,果度同達斯距離50公里,中間仲要係荒原地區,而呢度應該佈滿迪拉斯既線眼」

「所以..我地可能要徒行過去」

「凌愛瞳,有無信心?」


「....嗯...」



「!!!」

忽然,瞳瞳同希路都彷似感應到某種東西


「希路先生...點解..」瞳瞳摸住頭問


「呢種就係吸血鬼既感應力,好容易就感應到其他人既殺意」希路解釋:「睇黎..已經有人向緊我地呢度黎啦」



「咁..咁點算呀?」


「快啲拎齊野,我地要儘快離開呢一度啦」

希路遞上一個腰包:「入面有齊手槍、乾糧、水」




「依家開始,你要識得運用吸血鬼能力黎感應對方,你試下集中精神,咁你就會『聽到』對方既大概位置」


「我...試下丫」



「!!!」



「個感覺...越黎越近啦...」

瞳瞳聚精會神,閉上雙目:「種感覺...好唔舒服...」




「我地吸血鬼就係咁樣黎感應危機」

希路將手槍插入褲袋:「團殺氣已經入到酒店範圍..凌愛瞳,一陣跟住我後面,聽我指示」



「嗯」

瞳瞳從床站起,將腰包綁上身上



希路輕力打開房門,探頭四周監察


「暫時安全....」





「咔!!!」

走廊盡頭既走火通道被人一腳踢開

「快啲逐間房檢查!!目標應該得兩個人,記得唔好破壞Archangel!」

領頭既西裝頭目指示全副武裝既兩個手下,逐間房間搜索


迪拉斯既人員步步進逼


「希路先生,點算呀?」瞳瞳馬上關上房門,作口型問

「呢度好高呀,我地唔會...」


「呢度係9樓,我地吸血鬼都唔係不死之身架」

希路講述自己既計劃:「襯其中一人行到黎,開門將佢擊倒,再乘機走另一邊既走火通道」



殺氣漸漸走近

「應該就到架啦...凌愛瞳,一陣你行先,我殿後」


希路數住腳步聲

「三、二、一」



「咔!」

希路衝出走廊,撲向正響門前既迪拉斯人員


「凌愛瞳,快啲行!」

希路一拳一拳打向迪拉斯人員既臉上



「可惡,就係你地!」

另外既兩個人員,馬上拔槍指向希路


「砰!砰!」

希路及時以手上既迪拉斯人員做擋箭牌,不停向逃生通道退後


「凌愛瞳,走!!!」

希路掉開用盾,拉住瞳瞳衝落逃生通道



「咁都比佢地走甩!」

頭目對住通訊器:「發現目標人員,依家響9樓,經逃生通道A落緊去!!!」



希路同瞳瞳一路奔馳

「踏踏踏踏!!!!」


「依家我跑步,好似比起以前快左,輕鬆左,連少少辛苦既感覺都無」

瞳瞳心想:「唔通呢啲就係..吸血鬼既力量?」


「凌愛瞳,要跑快幾步啦,又好多團殺氣向緊我地」

希路道:「不過依家既你,應該可以跑得快過哂佢地既」


「砰!」

落到一樓,兩個迪拉斯成員從防火門衝出,向住兩人


「凌愛瞳,你依家身手應該快少少,不過...速戰速決啦」

希路以手勒緊一人既頸,直接用背負投將佢撻往下層


另一人員,就不停以上盤功夫追擊瞳瞳

「點解..佢d拳好似咁慢咁既」

吸血鬼能力影響下,瞳瞳眼中既攻擊,全都變成慢動作,輕鬆避過!


「唔錯,多得友美對你既訓練,依家你好快就適應吸血鬼既能力啦」

希路一掌將人員打到牆邊,再補一下迴旋腿將佢踢昏



「....繼續行啦」

「嗯!」



希路同瞳瞳跑出逃生通道

門外既,係一條污穢既後巷


「響呢度!!!!」

街角既一聲大叫,令兩人知道

危險仍未解除



希路拉住瞳瞳走入市中心既市場,試圖利用人羣為自己爭取空間

鬧市人滿為患,迪拉斯既人員未敢開槍,只能於後方追趕


「咁樣跑,未到塔盧坎山莊都已經無哂氣力...」

希路望到旁邊一間,賣馬匹既商店



「凌愛瞳,你識唔識騎馬?」

「唔識呀...希路先生你..」


「唔緊要,我教你」

希路將袋中既一疊紙幣掉入鋪頭

「老闆,要一隻馬」


希路先上最近自己既一頭白馬,然後借力將瞳瞳拉到自己既前面



「拉住韁繩,隻馬就會聽你指示」


希路輕輕一拉


「呃!!!!!!」白馬仰天啼叫,隨即衝入鬧市
已有 0 人追稿