【英雄系列5】天使與吸血鬼: 25

25.達納爾山莊


「咁...我地應該點做呀？」奈央問


「正門只有一個...」

希路摸住下巴:「我地先潛入去，由於我地無裡面既詳細地圖，所以...」






「今次，真係要見步行步」


三人分配好裝備，每人一把步槍、一支自動手槍及小刀

正式開始潛入







希路同瞳瞳嘗試集中精神，感應對方人數

「入面大概有十幾人...應該唔難既」

「不過，依家最緊要係門口既兩個守衛」


兩位守衛立正地站於大門前






「凌愛瞳，對自己既槍法有無信心？」

「呃...有..有少少咁啦」


希路道:「用同步射擊啦，我射比較遠既果個」

「...嗯！」


兩人各自瞄準目標

「三、二、一」






「吱！」「吱！」

兩人同時成功擊中守衛，應聲倒地


「唔錯，準繩度幾好」

希路帶頭:「一陣潛入時分開少少，以免比人發現」



三人從正門進入堡壘

「呢度...應該係比斐國軍隊用黎做據點既地方」








上到第一層，三眾逐個位置仔細檢查，直到...


「小心，最尾果一間房...有人既氣息」希路提醒兩女




「砰！砰！砰！」


「呀！！！嗚！！！」






房間傳來多下重物撞擊聲及慘叫



希路探出頭，望入房間

三名身穿軍服既壯男，正拎住鐵鎚，一下一下擊到被吊者既腹中


「係...係洛迪古斯先生呀！」







瞳瞳既驚叫，引起房內軍人既注意


希路見機不可失，馬上連開兩槍擊到兩人

「吱！吱！」


再跳上牆壁，彈到餘下一人背後，以頸鎖將其勒住


「快啲去救洛迪古斯啦」

希路將軍人拉落地下，道:「凌愛瞳，你唔夠冷靜，下次再係咁隨時冇命」


「呃...唔好意思呀」


瞳瞳同奈央替洛迪古斯鬆綁

「喂，IT狗，醒下啦」奈央拍打洛迪古斯既左臉:「唔..唔係頂唔順下話...」


「哎....呀..好痛呀..」

洛迪古斯張開雙眼:「乜..乜係你呀，老女人....」


「救左你都仲要話呢啲野，早知由得你比人打死呀！」

話雖如此，奈央依然難掩自己既心情:「不過...見到你冇死..都有少少開心既」


「嘿，大家咁話啦..」

洛迪古斯問:「點解得..你地四個既？」


「我地比林聰出賣左，友美小姐同大久保先生都...」瞳瞳低頭道


「原來係果個契弟！」


「放心，佢已經比我殺左啦」

希路要脅士兵:「talk,where is the control room?」

「....third...third floor！」


「砰！」希路一掌將士兵打暈:「三樓，行啦」


「嘩...你都幾重架喎」奈央扶住重傷既洛迪古斯，跟住大隊

「唔好話你細力！」

「咁女仔係咁架啦！」

期間兩人亦不忘鬥氣



靠住希路既身手，四人已經將城內既士兵擊倒


「呢度就係...控制室」

希路調查面前既電腦:「不過..要發射信號似乎有啲難度」


「好少兒科姐！」

洛迪古斯飛快操縱鍵盤:「只要向返我地香港IID既ip傳送個request...」

「應該就可以聯絡到IID」



「叮！」


「喂！邊個」

「我地係香港IID Archangel小隊既成員呀...」洛迪古斯對住咪高風道


「Archangel小隊...！你等陣！」接線員亦知道事態嚴重


「喂，各位冇事丫嘛！」

係發叔


「發叔...原來林聰係反骨仔黎，大久保隊長同友美都...」


「...係呀...」

發叔嘆了口氣:「依家我地收到你地既位置啦，係達納爾山莊丫嘛」

「我已經聯絡左最近既IID人員，直升機大概半個鐘後會到...放心，佢地絕對信得過」

「各位，頂住呀！」



「半個鐘...」

瞳瞳口中唸唸有詞:「終於...有救啦...」


「嗯，為左呢個Archangel，我地失去左太多野啦」

希路望了胸前既Archangel一眼




「隆！！！！」

突如其來既一下震動，換醒四人


「係...係咩聲黎架？！」奈央問


「弊啦！！！」

洛迪古斯將堡外既情況，透過電腦顯示出黎


多支斐軍中隊，正從多方包圍城堡！



「佢地點會咁快知道呢度收到攻擊架？」瞳瞳感到疑惑


「可惡...如果唔解決呢堆士兵，直升機根本冇辦法降落...」

希路拎起步槍:「至少...我地要頂到直升機黎到...」


「嗯，明白啦」奈央同瞳瞳亦取起武器:「咁IT狗你就守響呢一度啦」


「老女人...」

洛迪古斯拉住奈央:「唔好死呀」


「哈，我邊會咁早死呀，IT狗你死我都未死啦！」

奈央笑道



「凌愛瞳，拎住」希路將mp5交給瞳瞳

「一陣可能會係一場硬仗，不過...」

「我會...保護你」



「希路先生....」