「Macy啊,唔好離開我啊...」阿Ted依然跪在地上痛哭著說。

Jayden道「人都走左喇,起身啦...」

我走到阿Ted身旁,並拍一拍他的肩膀道「Ted啊,起身啦,啲女睇唔到嫁喇...」然後阿Ted便收乾眼淚,並坐回椅子上。

一段沈默之後,阿佳便開口道「咁我地而家點啊?」

阿Ted椅子上焦急地道「不如我地去追返佢地啦,而家仲趕得切嫁」



Jayden立即道「痴撚線,而家係佢地唔講道理啊,仲要我地去認低威?咁第時咪成世比條女食住?Matthew,你話係咪喇?」

我說「都係嘅...而家就去追返佢地,確實唔係幾啱時候,都係等佢地下咗啖氣先再講啦...」

阿Ted又開始慌起來道「但係...但係佢地話要落老蘭食洋腸啊...」

Jayden道「咪由佢地囉,成班起哂弶咁,撚有仔會溝佢地咩」

我說「吖...你又講得幾啱喎」



阿Ted道「但係...」

Jayden立即打斷他的話,並道「但咩係吖,既然佢地都講到出口話要落老蘭食洋腸咯,咁我地都唔好執輸喇,一於上大陸玩返晚」

我驚訝地道「吓?而家?」

Jayden卻說「你無聽過最危險嘅時候就係最安全嘅時候咩?阿佳,你點睇喇?」

阿佳一面按著手機一面道「我無意見」



Jayden隨即拍一拍掌,並道「good,而家先7點幾,今晚肯定大把野玩」

Ted道「唔係掛?真係去呀?Matthew,你覺得呢?」

我想了一想,然後道「依個時候去散下心都好嘅,我讚成」

Ted不敢相信地道「吓?連Matthew你都咁講?比啲女仔發現就大獲喇,我地啱啱先衰完一次咋」

這時Jayden便搭著阿Ted的肩膀道「Ted,咪咁掃興啦,聽日你生日喎,我地仲唔開開心心玩返晚咩?」

Ted道「我驚喎...」

Jayden道「唔洗驚啦,點衰都有我地幾個兄弟陪你一齊衰嘛」

Ted的態度開始軟化,沈默了一會後便道「唉...好啦」



Jayden立即拍一拍阿Ted的胸口以示加許,並道「咁先係吖嘛!Matthew,攞車,我地出發!」

我有點興奮地揚一揚手中的車鑰,並道「Let's go」

阿佳亦同時放下手機,準備一起出發。

於是,我們四個便踏上了這趟北上尋歡之旅...