「我有啲野想講」站在正方形左上角的Jayden低頭看著手中的煙蒂道,然後其餘三人便抬起頭來望向他。

他把剛抽完的煙蒂掉在地上,一臉嚴肅地看著我們道「大家可能會覺得,今日所發生嘅事,係不幸,係意外,係傷心,係難過,但我唔係咁睇。對我嚟講,依個反而係一個機遇,一個讓我地可以接觸新世界嘅機遇,一個讓我地可以增進友誼嘅機遇。我地一齊為我地嘅友誼鼓掌!」

厲害!沒想到他居然把一段北上前的對話說得彷似法庭上的結案陳詞一樣,字字鏗鏘,激動煽情。我們只好無奈地紛紛拍掌。

接著他便從褸袋裏拿了一盒岡本0.03白金超薄安全套出來,逐一派發給大家。但當他派到給阿Ted時,阿Ted卻不斷搖頭拒絕,並道「唔洗比我喇,我唔會做啲對唔住Macy嘅事...」

Jayden道「叫你Keep住先姐,無話一定要用喎」



阿Ted低著頭道「我過唔到自己嗰關...」

我插嘴道「Ted啊,咁如果一陣我地上哂房,你自己一個喺度做乜啊?」

阿Ted道「我會喺樓下等你地...」

此時沈默的阿佳也不禁在旁邊小聲說了聲on9。

Jayden望著阿Ted道「其實你都諗住同我地一齊去嫁啦,咁仲諗咁多做咩姐?入同唔入,我又覺得無乜分別喎,比啲女發現咗咪一樣係水洗都唔清」



阿Ted頓時語塞,無法反駁,以他的辨才當然不可能說得過身為律師的Jayden。

Jayden笑了笑,後道「袋住啦」然後便把三個安全套硬塞往阿Ted的口袋中。

我望一望手錶,八時四十分,時間也差不多了,於是便道「行得未?」

眾人異口同聲地說了聲ok,然後我們便一起往不夜的神洲出發了...