換好衣服,我跟Jayden率先落到酒店的大堂。他隨即從錢包內取出一張卡片,在背後寫上數字404,再交給櫃檯的職員保管,並吩咐他必定要交到Jasmine手上。

Jayden回來後,我問道「仲玩呀?404又係咩意思啊?」

Jayden笑道「一陣去嗰間club個名叫404 not found」

我驚道「仲要落club?你真係唔怕比班女搵到?」

Jayden自信滿滿地道「放心,我地無得輸」




現在的時間是零晨十二時零五分,阿Ted和阿佳亦剛剛到達大堂。會合後,我們便出發了。

在途中,我們之間仍然夾雜著一種沉寂的氣氛。Jayden和阿佳還是有點心病,然而他們都是愛面子的人,誰也不願意先認低威。

我們分成兩組而行。阿佳和阿Ted走在前方,我和Jayden則走在與他們相差十米左右的後方。走過天橋,穿過五光十色的食市範圍,我們走到了較為寧靜的住宅區。

身旁的Jayden少有地安靜,一路走來,默不作聲,腦海裏似乎在打量著各種事情。再走多一個街口,在住宅區內的一個小公園前,默然已久的Jayden突然跟我道「Matthew,有啲嘢我擺咗喺個心好耐,不過唔知應唔應該講...」

他一臉愁容,看來那些話把他憋得相當不舒服。於是我便道「你講啦」



他道「嗱,你話嫁」然後他便湊近我的耳邊,悄悄地說了一句話。

我隨即大驚,忍不住大聲道「吓!唔撚係掛(樹熊jpg.)!?」

Jayden立即拍了一下我的肩膀,道「殊...叫咗你細聲啲!」

但我的聲音太大,早已驚動了阿Ted和阿佳。他們都馬上走過來我們的身前,一臉疑惑地看著我們。

阿Ted問道「咩事啊?」



事情實在點震撼,有必要認真求證。我道「阿佳,我有啲想問你...」

Jayden打斷我的話道「喂,Matthew!唔好講啊」

我大聲道「我地之間唔可以有任何秘密!有咩問題都要講出嚟一齊分擔!」

Jayden阻止著說「一件事還一件事,依次真係唔講得嫁」

一直沈默的阿佳突然朗聲道「唔緊要,你問啦!」

阿佳的表情相當堅定,我也可以放心問了。我說「好,聽住喇」

Jayden單手掩著雙眼,猛搖頭。



我有點猶豫,但最終還是說出口了。

「阿佳,你頭先係未屌咗隻河馬...?」