一股哭聲傳到我的耳邊,「點解要咁對我....嗚......嗚.....」原來美夜睡在我旁邊

「做咩阿,美夜,你冇事嗎?」我說

美夜發現了我睡醒了便意圖離開,我一手便把她抱在懷裡,雖然她仍在掙扎,但過了幾分鐘便靜下來

「對唔住阿,我唔應該起色心,比多次機會我繼續愛你,好嗎」我說

「嗯......其實我喊唔係因為你既行為,而係你......」美夜沒有把話說完,我又好奇地追問





「係因為我咩?」

「我其實有男性恐懼症.....」她說,但這個答案我感到有一些疑惑,好像真相中有另一個真相,但我也不理會太多,先安慰美夜再說

「咁其實同我一齊係咪好驚?」我問

「其實我好番好多嫁啦,而你係第一個令我放低所以戒心既人」她說完更令我有一種罪惡感,她說對我沒有任何戒心,但我又這樣的對待她

「對唔住........」我的眼淚也停留不著地流了下來





「傻啦,唔好喊啦....嗚......嗚」就這樣,我倆擁抱在一起哭了起來

「南至晨,答應我一樣野」

「北條美夜,答應你D咩」我笑著說

「以後唔準因為要我唔喊,而同我講對唔住,我唔中意你咁軟弱」她說

「你都答應我,如果我真係講左,你一定要原諒我」我說





「嗯......其實我一早就原諒左你」美夜輕聲說著

「嗯? 頭先講咩,咩一早咩話」

「聽唔到就算啦,訓啦」

「係既,老婆大人」我笑著說

「邊個話一定會嫁比你?」「你同我放心,我一定娶到你」「傻傻地.....」 我們就這樣打打鬧鬧地睡著了

直到天亮,不是陽光,而是一種香氣令我醒來,原來美夜已一早在煮早餐了,行到廚房中,我從後抱著美夜

「哇! 你嚇死我啦」美夜說,而我則是輕輕吻了她的臉龐

「有冇刷牙嫁你?」她問 「冇.......」我說,美夜輕輕推開我說道 「快D去刷牙啦,嗱,呢枝牙刷你既」





當梳洗完後,由於好奇心,我進入了美夜的房間,畢竟昨夜都在大廳睡了

門一打開,沒有日式少女風的裝飾,沒有粉紅色,甚至比我的房間更要樸素,是非常「公式」的房間

而我留意到的是,一個小小的玻璃箱子裡,有17個小紙鶴,雖然與整個房間以樸素為主題十分相對,但也有幾分格格不入,「咯咯」,原來美夜站在門外

「我間房係咪好唔「女仔」?」美夜問

「阿,對唔......」我才剛記起昨晚的約定,便停了說話,「......簡單左D囉」我接著說

「嗯.....算你記得琴晚答應我D咩啦,煮好啦,出去食啦」美夜笑著說,然後便開始進餐了

「你知唔知其實紙鶴數量都有好似花語既意思嫁?」她問





「係咩? 好似好勁抽咁喎」

「唉,你係咪下任學生會會長黎嫁,好似咩都唔識既」

「D知識咁偏,鬼識咩,咁17隻姐係咩意思?」我問

「嗯.........我都唔知」美夜傻笑了一下,我們便轉移到其他話題了,吃完早餐後,便與美夜看了電影,直到下午才到了車站,準備離開

「我走啦」我說

「嗯.....」我在上車前,輕輕吻了美夜的嘴唇,她的臉上也重新帶上笑容

我在車上Google了17只紙鶴是什麼意思,原來是「請原諒我」,是誰向美夜道歉呢? 然而當我想深究的時候,有著另一個重大的問題我需要面對.........
已有 0 人追稿