「咩話?我身邊嘅人?唔係會搞我屋企人呀?」我第一時間想起自己的父母。
 
「我嚟之前同你起過支卦,唔似係你屋企人。但會係你身邊嘅人,一啲重要嘅人。」炎冰凝重地說。
 
「身邊嘅人?」我腦海中浮現出好幾人的樣子,當中包括阿奶。
 
「無錯,所以你要小心啲,如果你發現身邊嘅人有唔妥,你一定要盡快通知我哋。」
 
「小咩心呀,我依家無晒靈力,點知邊啲人有咩唔妥啫?」我略帶不滿地說。
 




「陳子鋒,你唔好再咁消極啦!靈力係重要,但係你第一日開嗰陣已經知,靈力唔係萬能。細心觀察,你一定做到㗎。」
 
「細心觀察?我……我唔得㗎,依家嘅我,連自己都顧唔掂,仲點照顧人?我……我唔得㗎!」我一再否定自己,只因現在的我根本沒有能力去幫助其他人。
 
「你……噉你係咪要睇住你身邊啲人有事呀!」
 
「我……我……」我一時語塞,當然我不希望身邊任何人有事,但我根本不相信自己有能力去幫助他人。
 
「係……係啦!搵天命叔手咪得囉!我聽日去搵佢。」
 




「你唔使諗啦,天命叔唔喺香港,佢喺度嘅話根本唔使我出手。」炎冰對著我說,腦海卻是想著和天命叔的對話。
 
「炎冰,你仲記唔記得,之前我哋同你講過,子鋒將會成為救你父母嘅關鍵。」天命叔在道壇裡,嚴肅地看著炎冰。
 
「我記得。」
 
「我最近重新幫你卜過一支卦,個卦象無任何轉變,即係話個衰仔依然會幫到你手。」
 
炎冰點了點頭表示理解,天命叔繼續說。
 




「亦即係話,個衰仔就算無晒靈力,只要佢一日未應救你父母嘅卦象,佢都唔會有事。不過,卦象始終都係講緊未來最大嘅可能性,因應住唔同嘅行動,未來係有機會改變。所以,我想你代替我去保護子鋒。」
 
「點解師叔你唔親自出手,而係要靠我?」
 
「你應該知道,子鋒體內嗰隻嘢係咩料啦。我哋張氏傳人同呢隻嘢嘅淵源太深,我出手嘅話,好大機會會令到封印佢嘅事情失敗。所以,我只能夠從旁協助,嚟緊一段時間,盡可能我都唔會同個細路見面。」
 
「明白,我一定會盡力保護佢。」
 
「今次個衰仔雖然唔會有太大危險,但今次,好有可能波及佢身邊嘅人。所以,你一定要盡可能將佢身邊嘅危險驅除。如果唔係,佢身邊嘅人出事,呢個細路嘅精神狀態到底會變成點,真係無辨法估計。」
 
炎冰聽到這裡,想起我的情況,明白到天命叔所說的後果,可能會比想像中更嚴重。
 
「呀,仲有,為咗個衰仔唔好過嚟煩我,你有機會就同佢講我唔喺香港,順便等佢習慣下唔好依賴我。」
 
「吓?條維園大叔又唔喺香港?」我把所有能用的髒話都在心裡爆發出來。




 
「佢有啲事要去做,你唔好理咁多啦,總之嚟緊要靠你㗎啦,你一發現有咩事就直接搵我啦。」
 
「靠我?我……我盡量啦……」
 
我跟炎冰道別後,便獨自己回家。
在回家途中,我一直在回憶以往跟天命叔學道時所習得的知識。
那是用來給一些沒有靈力的人,去分辨誰人是中邪了。
 
但畢竟那是數年前的事了,自從有了靈力後,我都是憑著靈力感應來探測對方是否靈體,一時三刻要我想起那些細節,我是真心做不到啊。
 
我回到家時,已經是晚上十一時左右了,按常理來說,父母應該早已睡著了。
我推開了大門,屋內烏黑黑的,證明他們應該已經睡了。
 
我也由於在安老院折騰了一整天,整個人都十分疲勞,所以在洗好澡好,便馬上準備睡覺。




 
不知道睡了多長時間,我突然被一陣吵鬧聲驚醒了。
 
「我……我仲得㗎!嚟啦!嚟呀!」
「咩呀?你……你睇少我……我呀?」
「再嚟!」
 
我在房內,不斷聽到一些像是對話的聲音。
但是,我非常肯定,那些說話,全是來自同一個人,根本沒有任何人回應他。
 
為了確定那不是我的幻聽,我把耳朵接近房門細心聆聽。
那說話的聲線雖然斷斷續續,我已肯定在房外是有人在說話,那人不是別人,從聲音來判斷,那應該就是我父親。
 
而那一刻,我的心裡突然閃過炎冰提醒我的說話。
「係你身邊嘅人,一啲重要嘅人。」




 
「仆街,唔係搞我阿爸呀!」一念及此,我馬上開了房門,衝到客廳的位置。
 
客廳裡仍然是烏燈黑火,幸好電視是開啟的狀態,透過電視那微弱的光線,我看到我的父親正站在電視前,手上拿著一把生果刀,奇怪地搖晃著身體。
 
這畫面實在十分詭異,但眼前的是自己的父親,我斷不可能就這樣逃回房裡,裝作甚麼事也沒有發生。
 
我腦海裡模擬了各種情況,但每種情況下,都免不了受傷的情況出現。
無計可施下,我忍不住開口了。
 
「阿爸,你……無嘢嘛?」其實我這樣做,只是希望避免他突然向我襲擊。
 
而且,我也期望,若父親真的被鬼上身,我可以跟那靈體進行對話,並嘗試說服他不要傷害我父親。
 
但他好像完全聽不到我的叫喊似的,我心中已經暗叫不妙,因為這情況下,他被鬼上身的機率又提高了。




 
然後,我對他再次說了同一番說話。
這次,他好像聽到我的說話了,他停止了剛剛那些奇怪的動作,但仍然背對著我,沒有轉過身來。
 
「阿爸,你點呀,做咩咁夜仲唔瞓嘅?」
 
我再次說話時,他好像終於知道我在提問了,然後才慢慢轉過身來看著我。
 
由於光線不足的關係,我看不清楚他臉上的神情,但能清楚地看到,他拿著水果刀的手,正在顫抖著。
 
難道,父親真的被鬼上身了?
希望他不會有事吧!
已有 0 人追稿