我喺酒店搶左人地女朋友: 預言成真(下)

在前往搭小巴途中,我主動牽起Christies的手,五指緊緊扣着她的五指。

「嘩…估唔到啵～居然會主動拖我。」挑釁妹又出現了,露出奸猾的笑容,挑一挑眉對我說。

「又係你叫我主動d既,我咪聽你話囉。」我笑着回應。

「其他野又唔見你咁聽話。」Christies道。

我說:「我一向都咁聽你話…幾時有逆過你意?」



「車…小蟹柳。」

沉默了一會,Christies又再開口說:「其實我而家個男朋友好錫我,個陣我地未一齊既時候,佢知我係機場到做問卷調查,之後佢日日放工就黎搵我同我食野,

我明知佢唔順路,所以叫佢唔好哂時間走過黎,番屋企抖下好過。點知佢話佢係好順路先黎搵我,但我知事實唔係咁。」

我細心聆聽後道:「嗯…咁之後呢？」

Christies說:「之後久而久之,我就比佢感動左,明明日日番完工咁辛苦,都山長水遠黎搵我,所以佢表白既時候我就應承左。」



我聽了後,偷偷地反了反白眼,心想「邊個男仔追女仔個時唔係樣樣做到足嫁?莫講話收工黎搵你,就算佢住屯門,你住柴灣,佢係想追你既,就老遠都會送你番屋企啦。」

見我沒回應,她續說:「其實我之前番過幾間酒店,都有好多男仔對我好好,我都feel到佢地對我有意思,但我都可以婉拒佢地,無對佢地產生感情。

不過唯獨係你,你令我對你產生左感情,對你心動,明明我對其他男仔都可以拒絕到,但我偏偏就對你狠唔到心。」

我問:「咁我對你黎講…係咪一個特別既存在?」

她說,是很特別的一個人。



過了一會,她帶點質問地說:「唔好淨係講我啦…咁你呢？拍過幾多次拖?上一次拍拖係幾時?點解會散?」

為甚麼每個女生都喜歡問男生的情史?

不過又真的給阿諾說中了,可以互相了解對方既過去。

我慢慢地道:「總共拍過2次拖,對上一次拍拖係4年前,分手既原因係個女仔太痴身,一個星期要見足7日。」

Christies掩着嘴巴,帶點驚訝地說:「4年前?咁耐之前…點解隔咁耐都無再拍拖?」

我說,因為一直遇不到我喜歡,且合適我的女生,直至你的出現,我便知道我要等的女生來了。

她說,也許我並不合適你,你只看到表面的我。

那就讓我慢慢了解你好嗎？接着我便問她的情史。



「計埋呢次,我總共拍過3次拖,中一個時d小學雞玩野既拍拖就無計到既,因為個時傻下傻下都唔知咩叫拍拖。」

「都係既,但就係傻下傻下先叫做係純真既愛,無任何既計算、金錢、利益既瓜葛,單純地你喜歡對方,對方又喜歡你,個個人就彷彿係你既全世界一樣。」我說。

Christies想了想,緩緩地點頭道:「都係既,成年人既愛情,充滿左金錢、物質,欠缺左年少時既個份純真,下下都諗到錢方面,要既禮物慢慢著重係價值上,而唔係心意上。」

我說,這或許是人性使然。

聊着聊着便到了車站,我輕輕吻了她的臉,着她回到家後一定要跟我說一聲。

她說,我會的,你也一樣回去後要告訴我安全到達,不然我會擔心的。