這天輪到我上班,Christies忙著上課。又是偉大的whatsapp做事的時候,她問:「你今晚係咪打機?」

我說:「係阿,前日已經同阿豪係到講話打機,我問佢今日番唔番,佢話佢番,我就話我都番喎,收工可以一齊去打機。」

她說,enjoy。

「而家放break,咁我去員工飯堂食下午茶,個新女係到咪傾左一、兩句,阿樟黎到就坐低左,隔唔夠幾秒無啦啦問,我係咪阻住你地?諗住起身走喎,

我咪捉住佢坐番低,我話如果我同你唔熟我會罵尻你亂講野。」我說。



「哈哈…我成日覺得阿樟好搞笑,而且同我地年齡差唔多,幾傾得。不過呢個唔係重點,重點係你撩女仔。」

我:「係我坐低先,佢自己走埋黎坐,我咪同佢講左一、兩句野,之後就零交流啦…冤枉阿。」

Christies說:「車…聽住先啦。」

下一秒她又說:「原本呢…就呢…」

我說,就甚麼?



她說,沒有事了。

我說,快點說,快點說,(下刪100次)。

豈料她繼續說,沒有事,你去打機吧,小事一樁。

最不喜歡別人明明有話要說,開了頭又不再說下去,故意賣關子。

我說:「小事都要講,對我黎講可能係大事。」



Christies避而不談說:「你自己估,估到就估,估唔到就算。」更發送了一張用snapchat拍攝的照片給我,企圖轉移視線。

我立刻猜:「傾電話?我尋晚都download左snapchat。」

她說,不是。

我又猜,吃飯?

她說:「加唔到你好友,你無連接到電話簿。」

豈有此理!又無視我的問題,於是我鍥而不捨地問,快點說啦是甚麼事?

她只發送幾個不說話的emoji給我,真把我氣壞了。

她說:「都無補於事啦…你睇下由三點幾講到而家七點,咁我咁耐都唔講姐係我唔想講啦係咪?」



我秒回,唔係。

「咁一開始少少想,但內心爭札完都係決定唔講。都係個句,你估到就估,估唔到由佢。」

我發現自己的頭大了很多,說:「我岩岩咪估食飯囉…你又無視左。」

她說:「咁我都話我唔會答。」

我問:「姐係估岩左都唔答?」

她說,是。 我說,那我猜來幹嘛?

她說:「總之你會估到,醒少少。」



我說:「我不嬲都蠢,你又唔係唔知。」

「又扮蠢,我唔會信你的。」她居然這樣回覆。

我說, I promise 真的沒有扮。 她說,這幾個鐘的對話有很多提示。

我說,我真的看不出有甚麼提示。

感覺Christies有點不耐煩說:「唉…你係要人開口,你估左幾多次阿?估第一次個時我點阿?醒少少。」

我說:「你咪發送左張相比我囉…」

她說:「睇清楚未?淨係咁?」

我反覆看了又看,翻看再翻看,我仍然看不出相片有甚麼古怪。



我只好如實說:「張相咪用snapchat既effect,整到個樣唔同左囉。」

Christies發了幾個笑喊emoji給我說:「救命阿,唔想同你講野。」

我又看一次相片也找不到當中的玄機,便說:「真心抓爆頭喎。」

她說:「你估第一次,我直接話比你聽唔係,你估第二次,我直接無視你。」

我頓時恍然大悟說:「哦…姐係第二次係岩既。」

曾經聽說過,當你真的愛上一個人的時候,你就會變笨,笨到旁人說你蠢,你仍覺得自己很聰明。

常言道當局者迷,難怪很多人都能一語道破別人愛情事中的錯失,卻不能一矢中的的找到自己的失敗之處,因為我們都是在愛情路上,能醫不自醫的笨蛋。



我說:「食咪食,朋友間食飯,我覺得無咩問題阿,除非你唔當我係朋友。」

「咁你都約左人啦…所以咪話無野。」

「咁可以唔打嫁嗎。」我說。

「就係唔想咁,難得約左又一齊收工。」

總是說你在我心中是非常重要,為了你不去打機又算得了甚麼?經常看到有女生在八卦討論區中出帖,投訴自己的另一半經常打機而不理會自己,我這麼好,主動的說不去打機去陪她,她居然不領情。

最後我帶着不甘去打機,要是我早點猜到她想和我吃飯,我會直接推掉打機的約會,然後耍無賴跟她說,為了你推掉了約會,你一定要出來吃飯。可惜這世上沒有早知,唉……