由過去二戰東西方陣營對峙,以西方為首嘅資本主義陣營同共產主義再到依家,戰爭從來無停止過,自第三次世界大戰後世界局勢再次大洗牌.
而香港亦都因為呢場大戰由時任香港特首被逼宣佈香港獨立,事源中國共產黨倒台.大陸再次陷入四分五裂,軍閥統治嘅時代,就係咁香港再次回復英治時代嘅光景.

公元2030年,香港聯邦成立第三年,各國嘅爪牙對香港呢個地方虎視眈眈,原因係香港擁有一條可以拯救世界嘅祕方就係 -------檸檬茶.
由於第三次世界大戰嘅關係全世界爆發咗一場疫疾,而唯一方法就係飲用檸檬茶嚟作治療,除咗咁就別無他法.亦都因為香港係唯一種到茶葉同檸檬嘅地方,所以大多數香港人都免受幅射病嘅煎熬.由於檸檬茶嘅需求大,所以香港政府將檸檬茶價格提高以謀取暴利,但亦因為咁令到各國政府嘅不滿,尤其係第三世界國家以及新安縣以北等國家最為不滿,佢哋正密謀奪取香港,而正正o係呢個時代就有一個可以保衛香港嘅英雄出現,但呢個英雄仲未知自己身懷重任................

已做多年保安員嘅啊袓,即使香港聯邦成立咗都依然繼續返住呢份工從來都無諗過要轉工,同普通人一樣有份工有樓住有個小家庭咁樣,一路過住平凡安逸嘅生活,但突如其來嘅一封信令到佢生活有極大嘅轉變,而呢封信嘅係警務署署長寄畀佢嘅內容就叫佢聽日去赤柱一間安全屋開一個會議,而會議內容係咩就並無提及到喇

已有 0 人追稿