[愛情]《溝女最緊要就手》: 第二章 ·【二】

「不如由財政匯報下最近嘅支出。」
「暫時印刷費用左1500..................」

趁著莊員匯報的空檔，Zoe向我打探與Sally的狀況。
「喂，你同Sally搞乜？本身唔係好哋哋架咩？」
「一匹布咁長點講呀？」
「完左話我知啦！」

幸好整場會議順利完成，沒有被尷尬的氣氛影響進行，散會後的會議室只剩下我、Zoe，而阿Ken和Sally則收拾行裝，結伴步出門口。正當Zoe準備開口向我提問之際，阿Ken突然氣沖沖地跑進來，一手把我推向牆壁，抓起我的衣領，大喊：



「肯定係你！你對Sally做過啲咩？佢喊左成晚又唔肯講咩事..」

身高170的阿Ken此刻充滿男子氣概，與平日嬉皮笑臉的他大不同，他的手震動得越來越厲害。

「你唔要，我要！我....一定會好好珍惜佢！」
我整個人被他氣勢所壓迫，沒有任何反抗的意識，站在一旁的Zoe展現驚訝的表情，這幕似乎令整件事情變得更加複雜。

門口再次傳來腳步聲，Sally進來把阿Ken拉走，「算啦，唔關阿臣事....」，雖然這句話很小聲，我依然能清楚聽到Sally說什麼，Sally和Zoe將我們分隔開，才得以平息 這場風波。

混亂過後，Zoe目瞪口呆地看著我，我不得不向她解釋事情的全部，不然她只會對目睹的畫面存在更大的疑問。



「發生咩事？點解Ken會咁激動？」
「Sally向我表白但我拒絕咗....」
「你唔係一直都鍾意佢架咩？」
「我....我都唔知......我都以為係......」

此刻揮之不去的內疚感又再次出現...