「老豆咁岩呀。」我硬著頭皮上前對話。
 
「你呀媽話想食大家樂喎,咪買個飯俾佢囉。」只見父親輕描淡寫地回答,並沒有提到cynthia半句。
 
「哦……」既然他沒有提起,我也總不能不攻自破吧!隨口說句再見後便回到座位上。
 
「點呀?」cynthia夾上了一塊紅腸放進口中。
 
「唔知呀……不過似係出事架啦。」面對住這份焗豬排飯,我竟然一口也不想吃。
 


「同人食個飯都唔得?」
 
「唔係唔得,不過重點係你係女仔。」我腦海中正上映被雙親狠狠地揮舞著手中的雞毛掃。
 
「吓,所以你所有朋友都係男仔?」cynthia果然對我家庭不太理解。
 
「咁又唔係……家家有本難唸的經,我呀媽好惡架!我好記得小學有一次中文考試冇八十分,佢就攞把刀嚟話要斬死我。」
 
這件事,乃是千真萬確。幸好到了現在,母親沒再像以往般經常動武。
 


不過今次……睇嚟佢又要出手啦……
 
「咁變態既?佢仲有冇做過啲咩好過份既野?」意想不到的事,cynthia竟對我媽的管教模式起了興趣。
 
本來對這份午餐提不起勁的我,望見眼前人臉上帶著一道因感新奇而會心微笑的笑容,胃口也因此回來。
 
但這話題,很快便把氣氛再次回到死寂。
 
「係呢……你係咪有野要同我交換呀?」
 ----------------------------------
「傑哥仔,其實你當時個腦係諗緊乜呢?」上到課房後,坐在我身後的肥正忍不到問道。
 


「咁……我諗唔到講咩好呀嘛……」
 
「你是但講吓今日天氣又好,個飯幾好味都好,都冇理由講啲傷心野架!」肥正快要崩潰似的。
 
「咁我見講我啲傷心野佢好似好興奮咁,想話……」加拿大仔在此時也忍不住走至我面前插話:「唔好再搵藉口啦,快快趣趣講埋個故事算啦好嗎。」
 
就在此時,坐在我鄰座的女生也不禁低頭嗤笑。
 
「其實就咁既……雞脾姐呀……我冇諗住同你講喎。」她叫雞脾姐的原因只因她的小腿酷似雞脾,沒有特別意義。
 
「我都聽咗你講咁多日啦,都唔差在聽埋今次啦!你咪當多個女性角度囉!」本來有女生坐在鄰座是一件確幸的事,但如若她是一名男人婆,恐怕不是這樣說了。
 
「雞脾姐,好難當你係女仔喎……」肥正別過頭嘲諷著,卻被雞脾姐一手抄起頭髮。
 
「喂放手!gel咗好耐架啦!」


 
我沒有理會他們的糊鬧,皆因我的思緒再時回到星期六的快餐店裡。
 
----------------------------------
「係呀……」cynthia從布袋中抽出一個索袋,一看便知又是自家製作。
 
「我……可唔可以打開嚟睇?」我珍而重之的接過來,生怕弄髒這些回憶。
 
「唔好!」cynthia急得拍桌直道:「我唔想睇到之後又唔捨得……你快啲收埋佢,唔好俾我見到。」
 
「得得得﹗睇唔到睇唔到﹗」我連忙把整個索袋塞進背包,並把裡頭的數個盒子交予她手上。
 
「佢以前好鍾意整野食,之後就會用個盒仔裝住。雖然入面既野食一早就食晒,不過我有KEEP低晒啲盒仔。」
 
在她接過的時候,我內心並沒有一絲難受或是傷心。反倒有種新年打掃過後的舒暢感。畢竟那時只不過是小學五六年級的事,就算再難過也早已安康了。
 
更重要的是,我現在可是確確實實地踏進了她的內心世界,而她也願意打開她的心扉好讓我窺探。


 
----------------------------------
「吓……你會唔會諗得件事太過理想呢?」雞脾姐聽得緊皺著眉頭。