----------------------------------
「唉……件事就係咁啦。」我找來一位從理性的女性角度出發的人,KITTY。
 
「冇野既,過幾日就冇事架啦。」
 
「你又知?」我總是覺得,她正在敷衍著我。
 
「咁小既事,嬲得你幾耐呀?如果你真係想佢快啲唔嬲你既,你就證明俾佢睇,你嗰個方法係啱架啦。」
 
「咁樣唔會好似係響到落佢臉咩……」
 


「點會呢?如果你真係成功既話,佢只會心服口服。」可是……看似我是沒有這證明的機會。
 
原因並不是我的方法沒有成功,只是……
 
佢從嗰次之後,就冇落過嚟幫手訓練。
 
「我一早就話要好聲好氣架啦,你睇吓,依家班中一差唔多齊人啦﹗」中一人數的確是齊了許多,但是課室裡卻少了一位重要人物。
 
「得咗又點呀……見嗰個又冇嚟到。」我無神無采地嚷道,著中一們再嗌一次口號。
 


「咁細聲架﹗」門外突然站著一位女學生,害我因上前看清楚而差點失平衡。
 
係KITTY。
 
「頂﹗」我未有完整地說出整句來,畢竟這裡還有不少中一在場。
 
「你睇清楚啲先啦。」肥正拍拍我肩膀。
 
原來KITTY身後還多站了一位女學生,這時我並沒眼花,正是CYNTHIA。
 


「你終於返嚟啦﹗」我一時得意大嗌道。
 
「嚟齊又點呀,咪又係嗌得咁細聲……」CYNTHIA彷似是沒有發生過任何事般步進來﹕「一早就話冇咗我唔得架啦。」
 
「點解……會咁既?」
 
我不明瞭現況。
 
「VA女呀嘛,係咁架啦。」肥正與KITTY二人互相對望,繼而相笑。
 
用上帶點羨慕的眼線望著他們的微笑,不知我和CYNTHIA有沒有這一天?
 
「大家加油啦,之前紅社都未拎過啦啦隊冠軍,今次我地要威返一次俾其他人睇﹗」KITTY極為老土地打圓場,一切又好像是回復到最初般。
 
「哥哥點解你成日都同呢個姐姐傾計既?」星期五的練習,有一位天真得又帶點可愛的中一學生這樣問道。


 
「因為哥哥我同呢個姐姐熟囉﹗」此時,我正與cynthia坐在鄰座,互相對望隨即微笑﹕「依家啲中一仔都幾可愛呀﹗」
 
「不過我記得我當年中一既時候好MK。」
 
「唔怕話俾你知呀……」肥正走近至剛剛向我發問的學生耳語道﹕「呢個樣衰哥哥鍾意隔離個靚女姐姐呀﹗」
 
雖然話就話係耳語,但係肥正既聲音係足以令到我同cynthia都聽到。
 
「喂,你講乜野呀?」
 
「走呀﹗」肥正推著那學生跑至課室後方,只剩下我和cynthia在黑板前。我頓時感到大氣間有一股極為尷尬的味道。
 
「我呢……」
 


「嗯?」
 
這個單字,內裡的意義有無限之多,但我卻未能得知她想表示的是哪一種。
 
「冇……呀……係呢,你咪話聽日睇戲既,想睇幾點呀?」我好不容易才找到一個話題好讓打破這僵局。
 
Cynthia未有回答,只故低頭思考,難不成是聽到肥正的話之後,生怕我會追求她而不跟我約會嗎?
 
「中午啦,因為我想訓晏啲。」
 
「喔,好呀﹗就去我地學校附近嗰間好冇?」眼見她最終還是答應,我的語調隨即變回原先的輕快。
 
「唔好……唔想見到熟人。」
 
吓?


 
「咁呀……咁一係我地去九龍灣嗰間好冇?」
 
其實我並不知道為什麼不可能被別人看見我和cynthia一起去看電影,也許剛剛肥正所說的話,的確對她有一定的影響性。
 
但最重點的是,cynthia還是願意跟我去看電影,也即是說,我還是有機會的﹗
 
「好啦,我地今日就去到咁多先啦,出嚟點完名之後走啦。」說罷,中一們便衝上前點名,然後散去。
 
「咁……我地聽日見啦喎。」
 
「嗯……」cynthia依舊若有所思,但係欲言又止似的。
 
「放心啦……」我拍拍她的肩膀道﹕「你唔洗理條肥仔講咩架,我同你係朋友嚟架嘛﹗」
 


「吓?你講咩呀?」