每個人，都試過鍾意一個讀VA既女仔: 第二十六章

「話說呢……套戲開場之後呢……我可唔可以繞住你呀……」這，就是肥正所教我的旁門左道。

「吓？點解呀？」

「因為……我一驚既時候就慣咗攬住身邊既野，咁我想話繞住你既話會好啲囉……」說著說著，我的頭也愈來愈低，因為我不敢直視著她。

「可以既……不過講明先呀，如果你驚到嗌既話，我就會坐下一行架啦。」cynthia如此的恐嚇著我道。

就這樣，我架起了座位旁的扶手，安份地挽著她的手，等待著電影的開始。



「話說……乜你好驚睇鬼片咩？」在播放著預告片之時，cynthia壓低聲線問道。

「唔係呀，做咩咁講呀？」在此時，我還是不忘當起大丈夫來。

「但係套戲都仲未開始，你已經繞到我好實啦喎。」聽到這句，我立馬鬆開她的手臂，透過螢幕的餘光看到，她的手臂已經泛紅。

「唔好意思呀……」恐怕，我再也想不到任何藉口去跟cynthia有進一步的身體接觸了。

「屎忽，明知咁驚做咩仲要同我睇呀？」



「因為你話冇人陪你睇呀嘛……」我就像一個犯錯的小孩子般等待著cynthia從候發落。

「……」cynthia未有回答，令我更為不安。

「屎忽。」但這次，是cynthia主動挽著我的手臂﹕「下次唔好勉強自己知唔知呀？」

「同你約法好三章架嘛，講好咗之後都要陪你睇。」

「嗯。」我現在才驟覺，原來cynthia的左邊嘴角，笑的時候會有一個小酒窩。



「開始啦，屎忽。」

「之後呢之後呢？」肥正活像我的師傅問候著我的成果。

「吓，仲想點呀？佢已經主動繞我喎。」我不太理解肥正還想我做什麼。

「唔係呀嘛，成套戲粒幾兩粒鐘你同我講剩係繞手？」肥正驚訝得張開嘴巴，同時把數條薯條放進口裡。

「大佬我同佢第一次出街，仲想點呀……」我把最後一口的豬柳蛋漢堡放進口中咀嚼。

「之但係個戲院入面黑麻麻，唔係真係咩都冇發生過呀嘛，你真係咁好定力？」肥正依舊是那副難以置信的表情。

「喂，你估麥俊傑係你咩……啱啱十六歲就同條女咩咗，之後仲要同我地講……」加拿大一口氣把剩下的可樂喝光。

「嗱，說話又唔可以咁講喎。」肥正再次擺出一副專家的模樣﹕「我同kitty中二到依家都成兩年。喂，兩年喎，你估少架？我地係真心相愛架﹗」



「咁我信係真愛既……」我同意肥正說的話﹕「最衰你咁快就飲晒杯可樂啦，如果唔係既話可以俾佢睇吓自己個樣呀嘛。咁樣衰，kitty都可以頂到兩年，你話唔係真愛係咩啦﹗」

「仆街啦你﹗」肥正把手中的紙巾擲向我﹕「冇我教你，佢會成套戲都繞住你？」

「講開又講，又好似真係唔關你事喎。點睇條女都係因為傑少傻吓傻吓咁所以先得米。」加拿大仔幫口替我辯護道。

「咁……咁佢都係用我嗰招嚟做開場白呀﹗」肥正不甘示弱道。

「喂，你地兩個係咪聽故事架。」

「其實我地聽唔聽都冇乜太大所謂既，不過好似係你想講我地先出現。」他們二人突然又槍口同時對外。