每個人，都試過鍾意一個讀VA既女仔: 第三十一章

「做咩呀？」
 
「你呢……鍾唔鍾意C ALLSTAR架？」
 
「吓？還好啦，做咩咁問？」反正我也不想面對功課，倒不如躺在床上專心與她傳信息吧，功課什麼的待回學再抄。
 
「咁你有冇聽過佢地首天梯呀？」
 
「都好難未聽過喎，呢首直頭係佢地既成名作嚟……」歌曲中的旋律，隨即在腦中播放出。
 


「因為我太鍾意英文歌啦，所以有時聽到啲好好聽既旋律之後會幫佢填份英文詞。」原來她除了藝術之外，在文學方面亦有一定的造詣。
 
「你既意思係……」難不成她要唱給我聽嗎？
 
「我要令你鍾意英文﹗」在她的名字下，再不是輸入中，而是……
 
錄音中。
 
不消數分鐘，有三段錄音安靜地出現在我與她的對話之中。
 


我戴上耳機，仔細地聆聽她的歌聲。
 
耳機中播放出的，正是她那溫柔的聲線。雖然並不是動聽得令人聽出耳油，但卻令我不停地回播，更是於電腦中下載好讓能夠得以保全。
 
她所唱的，正是C ALLSTAR「天梯」的副歌，填的正是她自己所創作的英文歌詞。雖則我聽不懂歌詞的意思，我甚至未能聽出她所唱的每個生字，但這絕對是我最喜歡的英文歌。
 
沒有之一。
 
「點呀？我都知我唱得唔好聽架啦。」
 


「還好啦，起碼冇走音先。」我嘗試假裝平靜的心情作出評語，但實情卻是激動得在自己房間中的床上大跳著。
 
「屎忽。」
 
「做咩呀？」
 
「你都要唱。」
 
吓？點解呀？
 
「得我一個唱好似好尷尬咁……我唔理呀，你都要陪我唱呀﹗」
 
「但係……我都唔聽英文歌既。」我搬出藉口以便推搪。
 
「咁咪唱中文囉﹗快啲唱呀，唔係我唔理你架啦﹗」與我對話的，彷彿再也不是一個思想成熟的CYNTHIA，而是一個內心依舊是活像小孩的她。


 
「係啦係啦……」我思索了一會後，清唱出「天梯」給她。
 
「好難聽呀﹗」可惡，還竟敢說我不是﹗
 
「咁你又叫我唱……到你唱啦﹗」
 
就這樣，我和她便一人一首流行曲，一中一英唱至深夜。我突然在這時候，感到有一絲的觸電感……
 
唔通，呢種感覺就係叫做戀愛？
 
「歌神，依家幾點呀，我聽日仲要返工架。你係唱就留返朝早再唱啦。」在主人房的媽媽不滿地嚷道。
 
「唔好意思呀，我呀媽話我唱歌好嘈，唔可以陪你唱落去啦……」
 


「唔緊要啦，聽日要返學，我都差唔多要訓啦。」
 
但是，我並不想白白浪費了這個大好機會。KITTY今天在海旁說的話，我還記憶猶新。
 
「係呢……你仲記唔記得你今日問咗我一條問題，但係我仲未答你架？」我作出試探問道。
 
「吓……我地傾咗好多野喎，邊記得呀。」說得也對，我也未有想過她會記得。
 
「你今日問過我，我係咪鍾意你……」這番話，我並非打字發送，而是錄音﹕「我可以答你……我係。」
 
還是結結巴巴的。
 
「你講乜野呀？」我深知CYNTHIA明瞭得很我所說的話，只是沒法相信而已。
 
「我知我同你只係識咗一個月到，但係唔知點解第一眼見到你既時候，我已經好留意你……可能呢啲就叫做一見鍾情啦。」


 
見她久久未有答話，我只好再問一句﹕「你會唔會考慮吓……俾一次機會我？」
 
晚上的氣氛十分安寧。同樣地，也十分嚴肅。