每個人，都試過鍾意一個讀VA既女仔: 第四十五章

「咁樣……等你下年考完DSE之後，我陪你去啦。」在路人眼中，我深信他們也會覺得我倆是一對情侶。
 
「到時你仲未響我生命入面離開先算啦。」
 
「望住我。」
 
「我，麥俊傑，響呢間中華書局入面對住啲書發誓，除非CYNTHIA主動叫我離開，如果唔係我絕對唔會離開CYNTHIA。」
 
「傻佬。」是我不夠認真嗎？總感覺她完全沒有半點感動的感覺？
 


「你唔信我呀……」
 
「你頂得順我啲脾氣先講啦。」CYNTHIA再次重拾旅遊書幻想著她的夢想旅行。
 
「喂呀，我咁認真同你發埋誓，你可唔可以俾少少感動既樣我睇吓？」我不滿的鼓起腮幫子。
 
「承諾呢樣野，差不過係一時既衝動先會講，以後根本唔會有人記得或者兌現。」
 
「乜你真係咁諗咩？」
 


我不明瞭，到底作為VA人，竟有著如此理性而亳不感性的性格，是否一件合理之事。
 
但係依家既我，好想證明俾佢睇，我唔係得個講字。
 
「你想我點證明俾你睇？」
 
「你織條頸巾俾我呀，咁我就考慮吓感動一次啦。」我還記得當時我極度口爽的回答了句﹕「好﹗」
 
嗯，回到家後我便後悔起上來。
 


承諾……的確是因一時的衝動而有的副產物。
 
答應過後並回到現實時，我站在一間專門賣毛冷的商店，裡頭有數位客人，全是女性……
 
就在我猶豫應否踏進之時，店主直接問道：「哥仔係咪買毛冷織頸巾俾人呀？」
 
「係呀……我要米白色幼冷唔該。」我只希望盡快購買並離開，因我生怕撞見熟人。
 
「第一次織？我地可以教埋你織喎！」老闆娘的熱情，我卻未能領情。
 
「唔洗啦，我諗我自己應該織到。」
 
我立馬掏出銀包，接過毛冷後三步併著兩步跑回家中。
 
沒問題的，我知道我鐵實能完成的﹗


 
我打開CYNTHIA早前發送給我的YOUTUBE影片，裡頭有一名女子在教授如何編織一條頸巾。
 
「呢啲女人野應該係得個煩字姐，唔會難到我既﹗」
 
我把影片速度較慢，一步步地跟著影片中的女子穿針引線。
 
「等等先……佢響邊到穿返出嚟架？」我不確認地把針抽出，結果在織針上打了一個死結。
 
「喂，點解我跟唔到條片織既？」在不下數十次的嘗試後，我早已心灰意冷地如實報告給CYNTHIA。
 
「咁蠢架你。」
 
咩話？話我蠢？
 


「哼，你睇住嚟，我一定織到俾你﹗」
 
我回想起之前有看過一個日本節目，裡面有教授一種織頸巾的方法，就連幼稚園孩子都能輕易地編織成功。
 
斷估，我唔會蠢過班幼稚園細路呀嘛……
 
節目教的方法的確有點兒奇怪，用的竟不是織針，而是鞋盒。
 
簡單來說，就是在鞋盒上剪出一個個鋸齒狀孔洞，再把毛冷梅花間竹地套在齒孔上，一格格地編織出頸巾。
 
「其實你有冇諗過，咁樣係煩到我而唔係你自己呢？」kitty隔日一臉無奈，接過我手中兩捆毛冷。
 
「我都唔想架，鬼叫我識埋晒啲女仔朋友得你一個先叫似返個女仔咩……」
 
「最後依家咪又係搵著我嚟搞……好心你就唔好用幼冷啦，有排你織呀！」kitty熟手地起針，並著手編織起來。


 
「我都唔想架，邊識咁多野喎！係cynthia話粗冷唔靚所以要用幼冷喎……」
 
「到底佢係玩我定係玩你……」kitty搖頭苦笑道。
 
「你教我織就得架啦，唔洗麻煩你……」
 
你問我自己織的結果是怎樣？現在便得知了吧﹗鞋盒的方法的確能夠成功，可是我只不過剛剛開始了不久，便再也找不到線頭。
 
「依家我教你織高低針啦。」kitty說了許多專有名詞，半粒也聽不進耳。
 
但如硬要說，織頸巾的操作並不困難或複雜，基本上只有兩個要點……
 
耐性和細心。
 


而呢兩樣野，我諗呀媽生我出嚟既時候，應該留低咗響佢子宮入面。